ന്യൂഡൽഹി : രാജ്യം പരിവർത്തനത്തിന്റെ പാതയിലാണെന്നും എല്ലാ പൗരൻമാരും രാജ്യപുരോഗതിക്ക് വേണ്ടി പ്രവർത്തിക്കണമെന്നും രാഷ്ട്രപതി ദ്രൗപദി മുർമു. . റിപ്പബ്ലിക് ദിനാഘോഷത്തിനറെ ഭാഗമായി രാജ്യത്തെ അഭിസംബോധന ചെയ്യുകയായിരുന്നു രാഷ്ട്രപതി. അയോദ്ധ്യ രാമക്ഷേത്ര ഉദ്ഘാടനം രാജ്യത്തിന്റെ അഭിമാന നിമിഷമാണെന്നും രാഷ്ട്രപതി പറഞ്ഞു.
അയോദ്ധ്യ. രാമക്ഷേത്രത്തിലെ പ്രാണപ്രതിഷ്ഠ രാജ്യം സാക്ഷ്യം വഹിച്ച ചരിത്രപരമായ മുഹൂർത്തമാണ്. സാംസ്കാരിക പൈതൃകങ്ങളെ വീണ്ടെടുക്കാൻ ഇന്ത്യ നടത്തുന്ന പരിശ്രമങ്ങളിലെ നാഴികക്കല്ലായി ഭാവി ചരിത്രകാരൻമാർ ആ നിമിഷത്തെ വാഴ്‌ത്തും. ജനങ്ങളുടെ വിശ്വാസത്തെ മാത്രമല്ല, ഇന്ത്യൻ നീതിന്യായ വ്യവസ്ഥയിൽ അവർ‌ക്കുള്ള വിശ്വാസം കൂടി ഊട്ടിയുറപ്പിക്കുന്നതായിരുന്നു അതെന്നും രാഷ്ട്രപതി ചൂണ്ടിക്കാട്ടി. രാജ്യം ഇന്ന് പരിവർത്തനത്തിന്റെ ആദ്യനാളുകളിലാണ്. അമൃത്കാൽ രാജ്യത്തെ പുരോഗതിയിലേക്ക് നയിക്കും. രാജ്യത്തെ ഉന്നതിയിലേക്ക് ഉയർത്താനുള്ള സുവർണാവസരമാണ് ലഭിച്ചിരിക്കുന്നത്. പുതിയ ഉയരങ്ങൾ കീഴടക്കാനായി ഓരോ പൗരനും പ്രയത്നിക്കണമെന്നും രാഷ്ട്രപതി ആവശ്യപ്പെട്ടു.