തിരുവനന്തപുരം: പ്രസ് ക്ലബ് കുടുംബമേള റിപ്പബ്ലിക് ദിനത്തിൽ മന്ത്രി വി.ശിവൻകുട്ടി ഉദ്ഘാടനം ചെയ്തു.

നാഷണൽ എൻ.ജി.ഒ കോൺഫെഡറേഷന്റെ നേതൃത്വത്തിൽ പകുതി വിലയ്ക്ക് സ്‌കൂട്ടർ,ലാപ്‌ടോപ്,തയ്യൽ മെഷീൻ എന്നിവ നൽകുന്നതിന്റെയും കിംസ് ഹെൽത്തിന്റെ നേതൃത്വത്തിൽ സ്‌കൂൾ കിറ്റ് നൽകുന്നതിന്റെയും ഉദ്ഘാടനം മന്ത്രി വി.ശിവൻകുട്ടി നിർവഹിച്ചു. മാദ്ധ്യമ അവാർഡ് ജേതാക്കളെ ആദരിച്ചു. വിദ്യാഭ്യാസ അവാർഡുകളും വിതരണം ചെയ്തു.പ്രസ് ക്ലബ് പ്രസിഡന്റ് എം.രാധാകൃഷ്ണന്റെ അദ്ധ്യക്ഷതയിൽ സി.പി.എം പോളിറ്റ് ബ്യൂറോ അംഗം എ.വിജയരാഘവൻ,യു.ഡി.എഫ് കൺവീനർ എം.എം.ഹസൻ, കെ.പി.സി.സി ജനറൽ സെക്രട്ടറി ജി.എസ്.ബാബു, മുൻ മന്ത്രി എം.വിജയകുമാർ,സി.പി.ഐ നേതാവ് പന്ന്യൻ രവീന്ദ്രൻ,കെ.എസ്.എഫ്.ഡി.സി ചെയർമാൻ ഷാജി എൻ.കരുൺ,ബി.ജെ.പി ജില്ലാ പ്രസിഡന്റ് വി.വി.രാജേഷ് എന്നിവർ സംസാരിച്ചു. മികച്ച സാമൂഹ്യ പ്രവർത്തകയ്ക്കുള്ള ഉപഹാരം കിംസ് ഹെൽത്ത് സി.ഇ.ഒ രശ്മി ആയിഷയ്ക്ക് മന്ത്രി വി.ശിവൻകുട്ടി സമ്മാനിച്ചു.നാഷണൽ എൻ.ജി.ഒ കോൺഫെഡറേഷൻ ദേശീയ ചെയർമാൻ എൻ.ആനന്ദകുമാർ,കോഓർഡിനേറ്റർ അനന്തു കൃഷ്ണൻ,എസ് ബി.ഐ പ്രതിനിധികൾ, ലുലു ഗ്രൂപ്പ് പ്രതിനിധികൾ, മോഹൻദാസ് എൻജിനിയറിംഗ് കോളേജ് ചെയർമാൻ ജി.മോഹൻദാസ്, ഭാരത് സേവക് സമാജ് ചെയർമാൻ ബി.എസ്.ബാലചന്ദ്രൻ,നിംസ് എം.ഡി ഡോ.എം.എസ്.ഫൈസൽ ഖാൻ,ഉദയസമുദ്ര ഗ്രൂപ്പ് ചെയർമാൻ രാജശേഖരൻ,ഗായകരായ പന്തളം ബാലൻ,ജി.ശ്രീറാം,ടെലിവിഷൻ ഫെഡറേഷൻ പ്രസിഡന്റ് ബേബി മാത്യു സോമതീരം,കേരള കോൺഗ്രസ് എം നേതാവ് ആയൂർ ബിജു എന്നിവരെ ചടങ്ങിൽ ആദരിച്ചു. പ്രസ് ക്ലബ് സെക്രട്ടറി കെ.എൻ.സാനു, ട്രഷറർ എച്ച്.ഹണി, സംഘാടക സമിതി ചെയർമാൻ എസ്.ആർ.ശക്തിധരൻ, ജനറൽ കൺവീനർ പി.ആർ.പ്രവീൺ എന്നിവർ സംസാരിച്ചു.