പാമ്പാടി: യുവാവിനെ വീട്ടിൽ കയറി ആക്ര​മിച്ച നാലുപേർ അ​റ​സ്​റ്റിൽ. പുതുപ്പള്ളി കൈതേപ്പാലം എട്ടുമാണിക്ക​ടവ് മേലോട്ടുപ​റമ്പിൽ കൊച്ചുമോൻ (40), പുതുപ്പള്ളി കൈതേപ്പാലം എട്ടുമാണിക്ക​ടവ് അയ്യകുന്നേൽ സു​ജിത്ത് (28), പുതുപ്പള്ളി കൈതേപ്പാലം എട്ടുമാണിക്കട​വ് സരോ​വരം ബിജു (44), കോട്ടയം വേളൂർ ചാത്തംപട​ത്തിൽ ആദർശ് (28) എന്നിവരെയാണ് പാമ്പാ​ടി പൊലീസ് അറസ്റ്റ് ചെയ്തത്. ഇവർ സംഘം ചേർന്ന് കഴിഞ്ഞ ദി​വ​സം പാമ്പാടി കുന്നേൽപാലം ഭാഗത്ത് വാടകയ്ക്ക് താമസിക്കുന്ന യുവാവിന്റെ വീട്ടിൽ അതിക്രമിച്ചുകയറി യുവാ​വിനെ മർദ്ദിക്കുകയും, കരിങ്കല്ലുകൊണ്ട് ആക്രമിക്കുകയുമായിരുന്നു. പണം കടം വാങ്ങിയതുമായി ബന്ധപ്പെട്ട് കൊച്ചുമോന് യുവാവിനോട് വിരോധം നിലനിന്നിരുന്നു. ഇതിന്റെ തു​ടർ​ച്ച​യാ​യാ​ണ് അ​ക്ര​മ​ണം. പരാതിയെ തുടർന്ന് പാമ്പാ​ടി പൊലീസ് കേ​സെ​ടു​ത്ത് ഇവരെ പിടി​കൂടി. പാമ്പാടി സ്റ്റേഷൻ എസ്.എച്ച്.ഒ സുവർണ്ണകുമാർ, എസ്.ഐ മാരായ ഷാജി,ജോ​മോൻ, സി.പി.ഒമാരായ അ​നൂപ്, അ​നിൽ, അനൂപ്കുമാർ, അജേഷ് മാത്യു എന്നിവർ ചേർന്നാണ് ഇവരെ അറസ്റ്റ് ചെയ്തത്. കോടതിയിൽ ഹാജരാ​ക്കി​യ ഇവരെ റിമാൻഡ് ചെയ്തു.