ടെഹ്റാൻ: ഇറാനിൽ ഒമ്പത് പാകിസ്ഥാനി തൊഴിലാളികളെ അജ്ഞാതർ വെടിവച്ചുകൊന്നു. മൂന്ന് പേർക്ക് പരിക്കേറ്റു. പാകിസ്ഥാനോട് ചേർന്നുള്ള ഇറാനിലെ തെക്കുകിഴക്കൻ അതിർത്തിയിലാണ് സംഭവം. ശനിയാഴ്ച രാത്രി സി​സ്‌​താ​ൻ​ ​ബ​ലൂ​ചി​സ്ഥാ​ൻ​ ​പ്രവിശ്യയിലെ സരാവൻ പട്ടണത്തിലെ ഒരു വീട്ടിലായിരുന്നു സംഭവം. പ്രതികളായ മൂന്ന് പേർക്കായി അന്വേഷണം ആരംഭിച്ചെന്ന് പൊലീസ് അറിയിച്ചു.

അതിർത്തിയിൽ ഇരുരാജ്യങ്ങളും തമ്മിൽ സംഘർഷ സാദ്ധ്യത നിലനിൽക്കുന്നതിനിടെയാണ് സംഭവം. പാ​കി​സ്ഥാ​നി​ലെ​ ​ബ​ലൂ​ചി​സ്ഥാ​നി​ൽ​ ​ജ​യ്‌​ഷ് ​അ​ൽ​ ​അ​ദ്ൽ​ ​ഭീ​ക​ര​കേ​ന്ദ്ര​ങ്ങ​ളി​ൽ​ ഈ മാസം ​ഇ​റാ​ന്റെ​ ​മി​സൈ​ൽ​ ​ആ​ക്ര​മ​ണ​ത്തി​ൽ​ ​മൂ​ന്നു​പേ​ർ​ ​കൊ​ല്ല​പ്പെ​ട്ടി​രു​ന്നു.​ ​

പിന്നാലെ, ഇ​റാ​നി​ലെ​ ​സി​സ്‌​താ​ൻ​ ​ബ​ലൂ​ചി​സ്ഥാ​ൻ​ ​പ്ര​വി​ശ്യ​യി​ൽ​ ​ഭീ​ക​ര​ ​താ​വ​ള​ങ്ങ​ളിൽ പാകിസ്ഥാൻ നടത്തിയ ആക്രമണത്തിൽ പത്ത് പേരും കൊല്ലപ്പെട്ടു. സ്ഥിതിഗതികൾ വഷളായതോടെ വിദേശകാര്യ മന്ത്രിമാർ നടത്തിയ ചർച്ചയിലൂടെ ഇരുരാജ്യങ്ങളും നയതന്ത്രബന്ധം പുനഃസ്ഥാപിക്കുകയായിരുന്നു.