സാധാരണക്കാർക്ക് വലിയ ആശ്വാസമായ സപ്ളൈകോയിൽ സാധനങ്ങൾ ലഭ്യമല്ലാതാകാൻ തുടങ്ങിയിട്ട് മാസങ്ങളായി. ഇതിനുപുറമെ സാ​ധാ​ര​ണ​ക്കാ​രു​ടെ കീ​ശ കാ​ലി​യാക്കി അ​ടു​ക്ക​ള ബ​ഡ്ജ​റ്റ് താളം തെറ്റിച്ച് നിത്യോപയോഗ സാധനങ്ങളുടെ വില കുതിച്ചുയരുകയാണ്. സപ്ലൈകോയിൽ സബ്​സിഡി സാധ​നങ്ങൾക്ക് ക്ഷാമം നേരിടുന്നത് വൻ തിരിച്ചടിയാണ് നൽകുന്നത്. ഒരു ഇടവേ​ള​യ്ക്ക് ശേഷം അരിവിലയും വർ​ദ്ധി​ക്കുകയാണ്.

കുത്തരിയുടെ കുറഞ്ഞ ചില്ലറ വില 56 രൂപയായി ഉയർന്നു. രണ്ടാഴ്ച മുമ്പ് 54 രൂപയായിരുന്നു. പത്തുകി​ലോ അ​രിയ്ക്ക് ജി.എ​സ്.ടി ഉൾ​പ്പെ​ടെ 590, 600 രൂപ​യാ​ണ് ഇപ്പോഴത്തെ വിപണി വി​ല. അന്യ സംസ്ഥാനങ്ങളിൽ നിന്നുള്ള വരവ് കുറഞ്ഞതാണ് വില വർദ്ധ​ന​യ്ക്ക് കാ​ര​ണം. എ​ന്നാൽ, അവസരം മുതലെടുത്ത് ഇടനിലക്കാർ വി​ല വർദ്ധിപ്പിക്കുന്നതായും ആക്ഷേപമുണ്ട്. ഉഴു​ന്നിന് 150 രൂപയും, പരിപ്പിന് 100 രൂപയുമാണ് വില. ചെറുപയറിന് 140 വൻ പയർ 105, ക​ട​ല 80, ഗ്രീൻ​പീ​സ് 110 എ​ന്നി​ങ്ങ​നെ​യാ​ണ് വില. വെളി​ച്ചെ​ണ്ണ ബ്രാൻഡുകളുടെ വില 150 രൂ​പ​യ്ക്ക് മുകളിലാണ്. സബ്‌സിഡിയായി പകുതിയോളം വിലക്കുറവിലാണ് ഇവ ലഭിച്ചിരുന്നത്.

അരി വില ഇങ്ങനെ

ജയ : 46 രൂപ

സുരേഖ : 50 രൂപ

പച്ചരി : 42 - 45 രൂപ