മലപ്പുറം: പാണക്കാട് സയ്യിദ് മുഈനലി ശിഹാബ് തങ്ങൾക്ക് നേരെ വധഭീഷണി നടത്തിയ നടപടിയിൽ കുറ്റക്കാരെ പിടികൂടി ശിക്ഷിക്കണമെന്നാവശ്യപ്പെട്ട് എസ്.കെ.എസ്.എസ്.എഫ് ജില്ലാ കമ്മിറ്റി മലപ്പുറത്ത് പ്രതിഷേധ റാലിയും സംഗമവും നടത്തി. ഇന്നലെ വൈകീട്ട് 5.30ന് മലപ്പുറം എം.എസ്.പി പരിസരത്ത് നിന്നും ആരംഭിച്ച റാലി കുന്നുമ്മലിൽ സമാപിച്ചു. കുന്നുമ്മൽ ജംഗ്ഷനിൽ നടന്ന സംഗമം സംസ്ഥാന സെക്രട്ടറി ഷമീർ ഫൈസി ഒടമല ഉദ്ഘാടനം ചെയ്തു. ഉമറുൽ ഫാറൂഖ് ഫൈസി മണിമൂളി അദ്ധ്യക്ഷനായി. യൂനുസ് ഫൈസി വെട്ടുപാറ മുഖ്യപ്രഭാഷണം നടത്തി. മുഹമ്മദലി തിരൂരങ്ങാടി സ്വാഗതവും അബ്ദുസലീം യമാനി നന്ദിയും പറഞ്ഞു.

ജലീൽ ഫൈസി അരിമ്പ്ര,അനീസ് ഫൈസി മാവണ്ടിയൂർ, സയ്യിദ് ഫസൽ ശാഹിദ് തങ്ങൾ കണ്ണന്തളി,സൽമാൻ ഫൈസി തിരൂർക്കാട്,അബ്ദുറഹ്മാൻ തോട്ടുപൊയിൽ,മുഹമ്മദ് കുട്ടി കുന്നുംപുറം,ഹസീബ് ഓടക്കൽ,സലാം ഫൈസി ആദൃശ്ശേരി, ഫെറൂസ് ഫൈസി ഒറുവംപുറം, റിയാസ് കൊട്ടപ്പുറം, ഇസ്മാഈൽ അരിമ്പ്ര, സൈനുദ്ദീൻ ഒളവട്ടൂർ, എൻ.പി.അനസ് പൂക്കോട്ടൂർ, ശഫീഖ് ആലങ്കോട്, ഷാഫി ഫൈസി നിറമരുതൂർ, മുനീർ പറവണ്ണ തുടങ്ങിയവർ റാലിയ്ക്ക് നേതൃത്വം നൽകി.