പത്തനംതിട്ട : ഒ.പി ബ്ലോക്കിന് സമീപം ഡോക്ടറെ കാണാൻ രോഗികൾ കാത്തിരിക്കുന്ന ഭാഗത്തെ ടിൻ ഷീറ്റ് മേൽക്കൂരയുടെ സീലിംഗ് ഇളകി വീഴുന്നത് ജനറൽ ആശുപത്രിയിൽ എത്തുന്നവരെ ഭീതിയിലാക്കുന്നു. തിങ്കളാഴ്ച രാത്രിയിലും ഇന്നലെ രാവിലെയും സീലിംഗ് ഇളകി വീണിരുന്നു. രോഗികൾ ഒാടി മാറിയതിനാൽ അപകടം ഒഴിവായി. അഡ്മിനിസ്ട്രേറ്റീവ് ബ്ലോക്കിന് മുമ്പിലാണ് അപകടമേൽക്കൂരയുള്ളത്. ഡ്രൈവറുടെ മുറിയും ശബരിമല വാർഡും ഇവിടെയാണ്. കഴിഞ്ഞ ആഴ്ചയിലും സീലിംഗ് ഇളകിവീണിരുന്നു.

അഞ്ച് വർഷം മുമ്പാണ് സീലിംഗ് സ്ഥാപിച്ചത്. അന്ന് നിർമ്മാണത്തിൽ അഴിമതി ആരോപണവും ഉയർന്നിരുന്നു. സീലിംഗിന്റെ നല്ലൊരു ഭാഗവും ഇളകി പോയനിലയിലാണ് ഇപ്പോൾ. ശേഷിക്കുന്ന ഭാഗവും ഏതുനിമിഷവും നിലംപൊത്താവുന്ന നിലയിലാണിപ്പോൾ. സംഭവത്തിൽ പ്രതിഷേധിച്ച് യു.ഡി.എഫും യുവമോർച്ചയും ആശുപത്രി അഡ്മിനിസ്‌ട്രേറ്റീവ് ഓഫീസിന് മുന്നിൽ ഉപരോധ സമരം നടത്തി.

എത് നിമിഷവും നിലംപൊത്താം

ഏത് നിമിഷവും അടർന്ന് വീഴാവുന്ന തരത്തിലാണ് ജനറൽ ആശുപത്രിയിലെ സീലിംഗുകൾ ഇപ്പോഴുള്ളത്. ഡോക്ടറെ കാത്തിരിക്കുന്ന സ്ഥലമായതിനാൽ ഇവ നീക്കം ചെയ്യുകയോ മറ്റുമാർഗങ്ങൾ കണ്ടെത്തിയില്ലെങ്കിലോ അപകടം സംഭവിക്കാം.

വളഞ്ഞാടുന്ന അപകടം

ആശുപത്രിയിലെ നിലവിലെ സീലിംഗ് വില്ലുപോലെ വളഞ്ഞിരിക്കുകയാണ്. ചെറിയ കാറ്റിൽ പോലും സീലിംഗ് ഇളകി വീഴുന്നുണ്ടെന്ന് രോഗികൾ പറയുന്നു. ഒ.പി ബ്ലോക്കിലെ ടോക്കൺ എടുക്കുന്ന ഭാഗത്തെ പകുതി സീലിംഗുകൾ നിലംപൊത്തി. നിലത്ത് വീണ സീലിംഗുകൾ നീക്കം ചെയ്യാത്തതും പ്രതിഷേധത്തിന് കാരണമായി. ദിവസവും അഞ്ഞൂറിലധികം രോഗികൾ ഒ.പിയിൽ മാത്രം എത്തുന്ന ആശുപത്രിയാണിത്.

ആ​ശു​പ​ത്രി​യി​ൽ​ ​പ്ര​തി​ഷേ​ധം

പ​ത്ത​നം​തി​ട്ട​ ​:​ ​ജ​ന​റ​ൽ​ ​ആ​ശു​പ​ത്രി​യി​ൽ​ ​സീ​ലിം​ഗ് ​അ​ട​ർ​ന്ന് ​വീ​ണ​ത് ​യു.​ഡി.​എ​ഫ്,​ ​ബി.​ജെ.​പി​ ​പ്ര​തി​ഷേ​ധ​ത്തി​ന് ​കാ​ര​ണ​മാ​യി.​ ​ഉ​ത്ത​ര​വാ​ദി​ത്ത​പ്പെ​ട്ട​വ​രാ​രും​ ​സ്ഥ​ലം​ ​പ​രി​ശോ​ധി​ക്കു​ക​യോ​ ​ന​ട​പ​ടി​ ​സ്വീ​ക​രി​ക്കു​ക​യോ​ ​ചെ​യ്യാ​ത്ത​തി​ൽ​ ​പ്ര​തി​ഷേ​ധി​ച്ച് ​യു.​ഡി.​എ​ഫ് ​പ്ര​വ​ർ​ത്ത​ക​ർ​ ​ആ​ശു​പ​ത്രി​ ​അ​ഡ്മി​നി​സ്‌​ട്രേ​ഷ​ൻ​ ​ബ്ലോ​ക്കി​ന് ​മു​മ്പി​ൽ​ ​കു​ത്തി​യി​രു​ന്നു.​ ​പ്ര​തി​ഷേ​ധം​ ​പ്ര​തി​പ​ക്ഷ​ ​നേ​താ​വ് ​കെ.​ജാ​സിം​ ​കു​ട്ടി​ ​ഉ​ദ്ഘാ​ട​നം​ ​ചെ​യ്തു.​ ​മ​ണ്ഡ​ലം​ ​പ്ര​സി​ഡ​ന്റ് ​റ​നീ​സ് ​മു​ഹ​മ്മ​ദ് ​അ​ദ്ധ്യ​ക്ഷ​ത​വ​ഹി​ച്ചു.​ ​അ​ഡ്വ.​ ​റോ​ഷ​ൻ​ ​നാ​യ​ർ​ ,​ ​സി​ന്ധു​ ​അ​നി​ൽ,​ ​ര​ജ​നി​ ​പ്ര​ദീ​പ്,​ ​എ​ൻ.​എ.​നൈ​സാം​ ,​ ​ദീ​പു​ ​ഉ​മ്മ​ൻ,​ ​നാ​സ​ർ​ ​തോ​ണ്ട​മ​ണ്ണി​ൽ,​ ​വി​ജ​യ് ​ഇ​ന്ദു​ചൂ​ഢ​ൻ​ ,​ ​അ​ജി​ത് ​മ​ണ്ണി​ൽ,​ ​അ​ഖി​ൽ​ ​അ​ഴൂ​ർ,​ ​സി.​കെ​ ​അ​ർ​ജു​ന​ൻ​ ,​ ​അം​ബി​ക​ ​വേ​ണു​ ,​ ​ആ​ൻ​സി​ ​തോ​മ​സ്,​ ​ഷാ​ന​വാ​സ് ​പെ​രി​ങ്ങ​മ​ല,​ ​ബി​ബി​ൻ​ ​ബേ​ബി,​ ​സി​റാ​ജ് ,​അ​ശോ​ക​ൻ​ ​എ​ന്നി​വ​ർ​ ​സം​സാ​രി​ച്ചു.

യു​വ​മോ​ർ​ച്ചാ​ ​മാ​ർ​ച്ച് പ്രതി​ഷേധം.
മ​ന്ത്രി​ ​വീ​ണാ​ ​ജോ​ർ​ജി​ന്റെ​ ​കെ​ടു​കാ​ര്യ​സ്ഥ​ത​ ​ആ​രോ​പി​ച്ചു​ ​യു​വ​മോ​ർ​ച്ച​ ​ജ​ന​റ​ൽ​ ​ആ​ശു​പ​ത്രി​ക്ക് ​മു​ന്നി​ൽ​ ​പ്ര​തി​ഷേ​ധി​ച്ചു.​ ​ജി​ല്ലാ​ ​അ​ദ്ധ്യ​ക്ഷ​ൻ​ ​നി​തി​ൻ​ ​ശി​വ​ ​അ​ദ്ധ്യ​ക്ഷ​ത​ ​വ​ഹി​ച്ചു.​ ​ബി.​ജെ.​പി​ ​ജി​ല്ല​ ​സെ​ക്ര​ട്ട​റി​ ​റോ​യി​ ​ചാ​ങ്ങേ​ത്ത് ​ഉ​ദ്ഘാ​ട​നം​ ​ചെ​യ്തു.​ ​സം​സ്ഥാ​ന​ ​കൗ​ൺ​സി​ൽ​ ​അം​ഗം​ ​കെ.​കെ.​ശ​ശി,​ ​യു​വ​മോ​ർ​ച്ച​ ​ജി​ല്ല​ ​മീ​ഡി​യ​ ​ക​ൺ​വീ​ന​ർ​ ​ശ​ര​ത് ​കു​മാ​ർ,​ ​ക​ർ​ഷ​ക​മോ​ർ​ച്ച​ ​ജി​ല്ല​ ​പ്ര​സി​ഡ​ന്റ് ​ശ്യാം​ ​ത​ട്ട​യി​ൽ,​ ​രാ​ഹു​ൽ​ ​മെ​ഴു​വേ​ലി,​ ​രാ​ഹു​ൽ,​ ​കൃ​ഷ്ണ​നു​ണ്ണി​ ​എ​സ്,​ ​ജി​ഷ്ണു​ ​വ​ള്ളി​ക്കോ​ട് ​തു​ട​ങ്ങി​യ​വ​ർ​ ​പ​ങ്കെ​ടു​ത്തു.