ചെങ്ങന്നൂർ: ചെങ്ങന്നൂർ മഹാദേവ ക്ഷേത്രത്തിൽ ദേവി തൃപ്പൂത്തായി. മലയാള വർഷത്തിലെ നാലാമത്തെ തൃപ്പൂത്താണിത്. ഞായറാഴ്ച്ചയാണ് ആറാട്ട്. അന്നേ ദിവസം രാവിലെ 6.30-ന് ആറാട്ട് ഘോഷയാത്ര ക്ഷേത്രത്തിൽ നിന്ന് പുറപ്പെടും. ഏഴിന് പമ്പാനദിയിലെ മിത്രപ്പുഴക്കടവിൽ ആറാട്ട് നടക്കും. ആറാട്ട് ദിവസമായ ഞായറാഴ്ച്ച മുതൽ 12 ദിവസം വിശേഷാൽ വഴിപാടായ ഹരീദ്ര പുഷ്പാഞ്ജലി നടത്തുന്നതിനുള്ള സൗകര്യം ഉണ്ടായിരിക്കുമെന്ന് അഡ്മിനിസ്ട്രേറ്റീവ് ഓഫീസർ ആർ.രേവതി അറിയിച്ചു.