പന്തളം : ഓട്ടോറിക്ഷയിൽ സഞ്ചരിച്ച യുവതിയെ കടന്നുപിടിക്കുകയും പീഡിപ്പിക്കാൻ ശ്രമിക്കുകയും ചെയ്ത ഡ്രൈവറെ പന്തളം പൊലീസ് അറസ്റ്റ് ചെയ്തു. പന്തളംതെക്കേക്കര പെരുമ്പുളിക്കൽ തട്ടയിൽ അലീന കോട്ടേജിൽ ബിനോയ് (46) ആണ് പിടിയിലായത്. കഴിഞ്ഞമാസം 26 ന് പുലർച്ചെ 4.15 ന് മൈനാപ്പള്ളി ജംഗ്ഷനിൽ എം സി റോഡരികിൽ ഓട്ടോ നിറുത്തിയശേഷമാണ് പീഡിപ്പിക്കാൻ ശ്രമിച്ചത്.
തുടർന്ന് കഴിഞ്ഞ ദിവസം യുവതിയുടെ വീടിനടുത്തുള്ള ജംഗ്ഷനിൽ വച്ച് യുവതിയെ അധിക്ഷേപിച്ചു. പിന്നീടാണ് യുവതി പൊലീസിൽ പരാതി നൽകിയത്. അടൂർ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.. എസ് .ഐ വിനോദ് കുമാർ, എ .എസ് .ഐ മഞ്ജുമോൾ , സി .പി .ഓമാരായ പ്രകാശ്, രാജേഷ്, അജീഷ്,കൃഷ്ണൻഉണ്ണി, അൻവർഷ എന്നിവരാണ് അന്വേഷണസംഘത്തിൽ ഉണ്ടായിരുന്നത്.