മല്ലപ്പള്ളി: കോട്ടാങ്ങൽ പടയണിയിൽ ഇന്നലെ കുളത്തൂർ കരയുടെ അടവി, പള്ളിപ്പാന, കോലം തുള്ളൽ, കരയുടെ വിവിധ പ്രദേശങ്ങളിൽ അടവി പുഴുക്ക് എന്നിവ നടന്നു. ഇന്ന് കോട്ടാങ്ങൽ കരക്കാരുടെ നേതൃത്വത്തിൽ അടവി ദിന പടയണി ചടങ്ങുകൾ നടക്കും.
കരയുടെ വിവിധ പ്രദേശങ്ങളിൽ കാർഷിക സംസ്​കൃതിയുടെ ഓർമ്മകൾ ഉണർത്തി അടവി പുഴുക്ക് മഹോത്സവം നടക്കും. വൈകിട്ട് 6.30 ന് സോപാന സംഗീതം, 7 ന് തിരുവാതിര കളി, 8 ന് നൃത്തനൃത്യങ്ങൾ, 9 ന് ഗാനമേള.12 മുതൽ പടയണി ചടങ്ങുകൾ.
രാത്രി ഒരു മണിയോടെ കുതിര, യക്ഷി, മറുത, ഭൈരവി എന്നീ കോലങ്ങളും വിനോദങ്ങളും കളത്തിൽ എത്തും. തുടർന്ന് മല ദൈവങ്ങളുടെ പ്രീതിക്കായി പള്ളി പ്പാന നടക്കും.പുലർച്ചെ അഞ്ചരയോടെ ക്ഷേത്രത്തിന്റെ പടിഞ്ഞാറെ നടയിൽ കരക്കാർ കൃത്രിമ വനം സൃഷ്ടിച്ച് അടവി കൊണ്ടാടും.
'നാളെ കുളത്തൂർ കരക്കാരുടെ നേതൃത്വത്തിൽ വലിയ പടയണി നടക്കും. ഭൈരവി,യക്ഷി, മറുത, പക്ഷി, കൂട്ട മറുത വിനോദങ്ങൾ, കാലൻ കോലം എന്നിവ കളത്തിൽ എത്തും.