തിരുവല്ല : ഗുണ്ടാപ്പിരിവ് നൽകാത്തതിൽ പ്രകോപിതനായി ആക്രമിച്ച് പരിക്കേൽപ്പിച്ച കേസിൽ ഗുണ്ടാനേതാവ് വീയപുരം ഗുരുനാഥൻ പറമ്പിൽ ഷിബു ഇബ്രാഹിം (വീയപുരം ഷിബു - 45) പുളിക്കീഴ് പൊലീസിന്റെ പിടിയിലായി. നിരണം കിഴക്കുംഭാഗം കിഴക്കേപ്പറമ്പിൽ സുരോജിനെ (61) ആക്രമിച്ച കേസിലാണ് പിടിയിലായത്. ശനിയാഴ്ച രാത്രി 7നാണ് സംഭവം. സുരാജിന്റെ വീട്ടിലെത്തിയ ഇയാൾ 25,000 രൂപ ആവശ്യപ്പെട്ടതായി പൊലീസ് പറഞ്ഞു. പണം നൽകാത്തതിനെ തുടർന്ന് ക്രൂരമായി മർദ്ദിച്ചു. നിലത്തുവീണ സുരോജിന്റെ തലയിൽ കരിങ്കല്ല് കൊണ്ട് ഇടിച്ചു. പരിക്കേറ്റ സുരാജ് പരുമലയിലെ സ്വകാര്യ ആശുപത്രിയിൽ ചികിത്സയിലാണ്.