വെച്ചൂച്ചിറ : പെരുന്തേനരുവി വെള്ളച്ചാട്ടത്തിന് സമീപം കുളിക്കാനിറങ്ങിയയാൾ മുങ്ങി മരിച്ചു. മുക്കൂട്ടുതറ വെൺകുറിഞ്ഞി ഓലക്കുളം പള്ളിപ്പറമ്പിൽ ഷാജി (55) ആണ് മരിച്ചത്. ഇന്നലെ ഉച്ചയോടെയാണ് സംഭവം. മുക്കൂട്ടുതറ സ്വദേശികളായ നാലംഗം സംഘത്തിനൊപ്പം എത്തിയതായിരുന്നു. വെള്ളച്ചാട്ടത്തിന് മുകളിലായുള്ള വാട്ടർ അതോറിറ്റിയുടെ ഗ്യാലറിക്കു സമീപമാണ് ഇവർ ഇറങ്ങിയത്. നാട്ടുകാരെത്തി കരയ്ക്കെടുത്തെങ്കിലും രക്ഷിക്കാനായില്ല.