തിരുവല്ല: എസ്.എൻ.ഡി.പി.യോഗം 594 -ാം പെരിങ്ങര ശാഖയുടെ ഗുരുവാണീശ്വരം ക്ഷേത്രത്തിലെ പ്രതിഷ്ഠാവാർഷിക ഉത്സവത്തോടനുബന്ധിച്ച് ഓപ്പൺ ഓഡിറ്റോറിയം സമർപ്പിച്ചു. എസ്.എൻ.ഡി.പി.യോഗം തിരുവല്ല യൂണിയൻ സെക്രട്ടറി അനിൽ എസ്.ഉഴത്തിൽ സമർപ്പണകർമ്മം നിർവഹിച്ചു. ശാഖാപ്രസിഡന്റ് ദേവരാജൻ നടുവിലേപ്പറമ്പിൽ അദ്ധ്യക്ഷത വഹിച്ചു. തന്ത്രി പെരുന്ന സന്തോഷ് തന്ത്രി അനുഗ്രഹപ്രഭാഷണം നടത്തി. യോഗം ഇൻസ്‌പെക്ടിംഗ് ഓഫീസർ രവീന്ദ്രൻ എഴുമറ്റൂർ കലോത്സവ വിജയികളെ ആദരിച്ചു. യൂണിയൻ കൗൺസിലർമാരായ അനിൽ ചക്രപാണി, സരസൻ ഓതറ, പഞ്ചായത്ത് കമ്മിറ്റിയംഗം കെ.എൻ.രവീന്ദ്രൻ, ശാഖാസെക്രട്ടറി സുധീഷ് .ഡി, മേൽശാന്തി ഗൗരിശങ്കരം റെജിമോൻ, നെടുമ്പ്രം പഞ്ചായത്ത് പ്രസിഡന്റ് പ്രസന്നകുമാരി, പുളിക്കീഴ് ബ്ലോക്ക് മെമ്പർ അരുന്ധതി അശോക്, മെമ്പർമാരായ ചന്ദ്രു എസ്.കുമാർ, സന്ധ്യാമോൾ, ശാഖാ വൈസ് പ്രസിഡന്റ് സുബി വി.എസ് എന്നിവർ പ്രസംഗിച്ചു. ഇന്ന് രാവിലെ 9ന് ദേവീക്ഷേത്രത്തിൽ നടക്കുന്ന പൊങ്കാലയ്ക്ക് യൂണിയൻ പ്രസിഡന്റ് ബിജു ഇരവിപേരൂർ, സെക്രട്ടറി അനിൽ എസ്.ഉഴത്തിൽ എന്നിവർ ചേർന്ന് ഭദ്രദീപ പ്രകാശനം നടത്തും.പെരുന്ന സന്തോഷ് തന്ത്രി പണ്ഡാര അടുപ്പിലേക്ക് അഗ്നിപകരും. 10.30ന് പൊങ്കാലനിവേദ്യ സമർപ്പണം.11ന് ആശാപ്രദീപ് ഗുരുപ്രഭാഷണം നടത്തും. ഒന്നിന് അന്നദാനം. 7.30ന് കുട്ടികളുടെ കലാപരിപാടികൾ. നാളെ ഒന്നിന് മഹാഗുരുപൂജാ പ്രസാദവിതരണം. വൈകിട്ട് ഏഴിന് പൊടിയാടി ഗുരുദേവ ക്ഷേത്രത്തിൽനിന്ന് താലപ്പൊലി ഘോഷയാത്ര.12ന് നാടൻപാട്ടുകൾ.