മല്ലപ്പള്ളി : എഴുമറ്റൂർ - പടുതോട് - ബാസ്റ്റോ റോഡിൽ എഴുമറ്റൂർ മാർക്കറ്റ് ജംഗ്ഷന് സമീപം ജലവിതരണ പൈപ്പ് പൊട്ടി റോഡ് തകർന്നു. മാസങ്ങൾക്ക് മുമ്പ് രണ്ടുകോടി രൂപ ചെലവഴിച്ച് നവീകരണം പൂർത്തിയാക്കിയ റോഡാണി​ത്. മുമ്പും ഇവിടെ പൈപ്പ് പൊട്ടി​യി​ട്ടുണ്ട്. ഇത് അഞ്ചാം തവണയാണ് പൈപ്പ് പൊട്ടി​ റോഡ് തകരുന്നത്. ഒരാഴ്ചയ്ക്ക് മുമ്പ് എഴുമറ്റൂർ ഗവ.സ്‌കൂളിന് സമീപം റോഡി​ൽ ഇന്റർലോക്ക് കട്ടകൾ പാകി​യി​രുന്ന ഭാഗം പൈപ്പ് പൊട്ടലിൽ തകർന്നിരുന്നു. കാലപ്പഴക്കം ചെന്ന പൈപ്പുകൾ മാറ്റി സ്ഥാപിക്കാത്തതാണ് റോഡിന്റെ തകർച്ചയ്ക്ക് കാരണമാകുന്നതെന്ന് നാട്ടുകാർ ആരോപിച്ചു.