തിരുവല്ല: എസ്.എൻ.ഡി.പി.യോഗം 770 മേപ്രാൽ ശാഖയുടെ ഐരാവളളിക്കാവ് ഗുരുദേവ - ഭദ്രാഭഗവതി ക്ഷേത്രം രണ്ടാമത് കുടുംബസംഗമവും കൊടിമരം ശിലാസ്ഥാപനവും ഇന്ന് നടക്കും. വനിതാസംഘത്തിന്റെ നേതൃത്വത്തിൽ ഇന്ന് രാവിലെ 10ന് നടക്കുന്ന കുടുംബസംഗമം ചങ്ങനാശ്ശേരി എസ്.എൻ.ഡി.പി. യൂണിയൻ സെക്രട്ടറി സുരേഷ് പരമേശ്വരൻ ദീപപ്രകാശനം നടത്തും. 12നും 12.40നും മദ്ധ്യേ എസ്.എൻ.ഡി.പി.യോഗം ഇൻസ്പെക്‌ടിംഗ് ഓഫീസർ എസ്. രവീന്ദ്രൻ കൊടിമരം ശിലാസ്ഥാപനം നടത്തും. യൂണിയൻ സെക്രട്ടറി അനിൽ എസ്. ഉഴത്തിൽ സമ്മേളനം ഉദ്ഘാടനം ചെയ്യും. യൂണിയൻ പ്രസിഡന്റ് ബിജു ഇരവിപേരൂർ അദ്ധ്യക്ഷത വഹിക്കും. അന്തരിച്ച ശാഖായോഗം പ്രസിഡന്റ് എം.കെ. നാരായണൻ മണലിന്റെ അനുസ്‌മരണം. യോഗം അസി.സെക്രട്ടറി പി.എസ്. വിജയൻ മുഖ്യപ്രഭാഷണം നടത്തും. യൂണിയൻ വൈസ് പ്രസിഡന്റ് കെ.ജി.ബിജു സന്ദേശം നൽകും. യൂണിയൻ കൗൺസിലർ രാജേഷ് കുമാർ ആർ, ശാഖാ സെക്രട്ടറി രാധാമണി ശശി, വൈസ് പ്രസിഡന്റ് അനിൽകുമാർ, ചാത്തങ്കരി എസ്.എൻ.ഡി.പി.സ്‌കൂൾ ഹെഡ്‌മാസ്റ്റർ കെ.ജി. സുരേഷ് കുമാർ, വനിതാസംഘം പ്രസിഡന്റ് രജിതാ മനോജ്, സെക്രട്ടറി സുലോചന രാജാജി, യൂത്ത്മൂവ്‌മെന്റ് സെക്രട്ടറി അനന്ദു അനീഷ് എന്നിവർ പ്രസംഗിക്കും.