മല്ലപ്പള്ളി : കല്ലൂപ്പാറ ഗ്രാമപഞ്ചായത്ത് പ്രസിഡന്റായി യു.ഡി.എഫ് അംഗം ഗീത ശ്രീകുമാർ തിരഞ്ഞെടുക്കപ്പെട്ടു. യു.ഡി.എഫിലെ ധാരണ പ്രകാരം പ്രസിഡന്റ് സൂസൻ തോംസൺ രാജിവെച്ച ഒഴിവിലാണ് തിരഞ്ഞെടുപ്പ് നടന്നത്. ഗീതാ ശ്രീകുമാറിന് ഏഴ് വോട്ടും എൽ.ഡി.എഫ് സ്ഥാനർത്ഥി മനുബായി മോഹന് 4 വോട്ടും ലഭിച്ചു. ഒരു എൽ.ഡി.എഫ് അംഗം വോട്ടെടുപ്പിൽ പങ്കെടുത്തില്ല. ബി.ജെ.പി അംഗങ്ങൾ വോട്ടെടുപ്പിൽ നിന്ന് വിട്ടുനിന്നു. തിരുവല്ല താലൂക്ക് സ്റ്റാറ്റിസ്റ്റിക്കൽ ഓഫീസർ ടി​.കെ പ്രദീപ് കുമാർ വരണാധികാരിയായിരുന്നു. കക്ഷിനില യു.ഡി.എഫ് 7, എൽ.ഡി.എഫ് 5 ബി.ജെ.പി 2.

അനുമോദിച്ചു

മല്ലപ്പള്ളി : കല്ലൂപ്പാറ പഞ്ചായത്ത് പ്രസിഡന്റായി തിരഞ്ഞെടുക്കപ്പെട്ട ഗീത ശ്രീകുമാറിനെ അനുമോദിച്ചു. വൈസ് പ്രസിഡന്റ്​ ചെറിയൻ മണ്ണഞ്ചേരി അദ്ധ്യക്ഷത വഹിച്ചു. റെജി തോമസ്, മനുഭായ് മോഹൻ, സൂസൻ തോംസൺ, എബി മേക്കരിങ്ങാട്ട്, സുരേഷ് സ്രാമ്പിക്കൽ, സതീഷ് കല്ലൂപ്പാറ, മനു റ്റി.റ്റി, സുരേഷ് ബാബു പാലാഴി, രതീഷ് പീറ്റർ, പി ജ്യോതി, ഇ കെ സോമൻ, റെജി ചാക്കോ, കെ ജി സാബു, ബെൻസി അലക്‌സ്​, സഞ്ചു കല്ലൂപ്പാറ, മോളിക്കുട്ടി ഷാജി, ജോളി റെജി, കുഞ്ഞുമോൾ കുര്യമാക്കോസ്, പീയൂഷ് ചെറിയാൻ, പഞ്ചായത്ത്​ സെക്രട്ടറി പി നന്ദകുമാർ എന്നിവർ പ്രസംഗിച്ചു.