മല്ലപ്പള്ളി: ക്ഷേത്ര പ്രവേശന വിളംബര സ്മാരക ശ്രീചിത്തിര തിരുനാൾ സാംസ്കാരിക സമിതിയുടെ നേതൃത്വത്തിൽ നടക്കുന്ന എട്ടാമത് എജ്യു ഫെസ്റ്റ് പുസ്തകമേളയുടെ ഭാഗമായ ദേശീയോഗ്രഥന സമ്മേളനം മുൻ എം.എൽ.എ. ജോസഫ് എം. പുതുശ്ശേരി
ഉദ്ഘാടനം ചെയ്തു. സമിതി കൺവീനർ അഡ്വ.ജിനോയ് ജോർജ് അദ്ധ്യക്ഷത വഹിച്ചു. മല്ലപ്പള്ളി പഞ്ചായത്ത് സ്ഥിരം സമിതി അദ്ധ്യക്ഷൻ പ്രകാശ് വടക്കേമുറി,എബി മേക്കരിങ്ങാട്ട്, കെ.ആർ.പ്രദീപ്കുമാർ എന്നിവർ സംസാരിച്ചു. മല്ലപ്പളളി സി.എം.എസ്. ഹയർ സെക്കൻഡറി സ്‌കൂൾ സ്റ്റുഡന്റസ് പൊലീസ് കേഡറ്റുകൾ പങ്കെടുത്തു.