പ​ത്ത​നം​തിട്ട: കേരളാ സ്റ്റേറ്റ് എക്‌സ് സർവീസസ് ലീഗ് ജില്ലാ കമ്മിറ്റിയുടെ ആഭിമുഖ്യത്തിൽ ഭാരതത്തിന്റെ 75​-ാം റിപ്പബ്ലിക് ദിനം ആഘോഷിച്ചു. പത്തനംതിട്ട മുനിസിപ്പൽ സ്റ്റേഡിയത്തിന്റെ സമീപത്തുള്ള യുദ്ധസ്മാരകത്തിൽ മുനിസിപ്പൽ കൗൺസിലർമാരുടെയും യൂണിറ്റ് അംഗങ്ങളുടെയും സാന്നിദ്ധ്യത്തിൽ മുനിസിപ്പൽ യൂണിറ്റ് പ്രസിഡന്റ്​ വി. ജെ. തോമസും മുനി​സിപ്പൽ ചെയർമാൻ അഡ്വ. സക്കീർ ഹുസൈനും ചേർന്ന് പുഷ്പ ചക്രം സമർപ്പിച്ചു. പുഷ്പാർച്ചന നടത്തി.മുനിസിപ്പൽ ചെയർമാൻ അഡ്വ. സക്കീർ ഹുസൈൻ റിപ്പബ്ലിക് ദിന സന്ദേശം നൽകി. തുടർന്ന് സെക്രട്ട​റി പി. ഡി. അശോകൻ ദേശീയ പതാക ഉയർത്തി. വി​മു​ക്തഭട ഭവനിൽ യൂണിറ്റ് പ്രസിഡന്റ്​ വി. ജെ. തോമസിന്റെ അദ്ധ്യക്ഷതയിൽ നടന്ന സമ്മേളനത്തിൽ പി. കെ. ആനന്ദൻ കുട്ടി, പി. ഡി. അശോകൻ, പി.ടി. ബാബു, എം. എം. ശാമുവൽ, സി. കെ. സോമരാജൻ, പി. ഇ. സലിം മുതലായവർ സംസാരിച്ചു.