മ​ല്ല​പ്പ​ള്ളി : വർ​ഷ​ങ്ങ​ളു​ടെ കാ​ത്തി​രി​പ്പി​നു​ശേ​ഷം മു​ര​ണി ​ കാ​വ​നാൽ​ക​ട​വ് പാ​ല​ത്തി​ലൂ​ടെ ബ​സ് സർ​വീ​സ് തു​ട​ങ്ങി. 2011 ജ​നു​വ​രി 28ന് ശി​ലാ​സ്ഥാ​പ​നം ന​ട​ത്തി​യ പാ​ലം 2020 ജൂ​ലായ് 6 നാ​ണ് ഗ​താ​ഗ​ത​ത്തി​നാ​യി തു​റു​ന്നു​കൊ​ടു​ത്ത​ത്. ക​റു​ക​ച്ചാ​ലിൽ നിന്ന് തു​ട​ങ്ങു​ന്ന ബ​സ് റാ​ന്നി​ക്കാ​ണ് സർ​വീ​സ് ന​ട​ത്തു​ന്ന​ത്. ക​വ​ളി​മാ​വ്, കു​ന്നി​രി​ക്കൽ, പാ​തി​ക്കാ​ട്, മ​ല്ല​പ്പ​ള്ളി, തി​രു​മാ​ലി​ട​ക്ഷേ​ത്രം, മു​ര​ണി കാ​വ​നാൽ ക​ട​വ്​പാ​ലം, ച​ക്കാ​ല​ക്കു​ന്ന്, കു​ള​ത്തൂർ​മൂ​ഴി, സർ​പ്പ​ക്കാ​വ്, അ​ത്യാൽ, പെ​രു​മ്പെ​ട്ടി, ചു​ട്ടു​മൺ, ക​രി​യം​പ്ലാ​വ്, ക​ണ്ടൻ പേ​രൂർ, നെ​ല്ലി​ക്ക​മൺ വ​ഴി​യാ​ണ് ബ​സ് പോ​കു​ന്ന​ത്. ഗ്രാ​മീ​ണ​മേ​ഖ​ല​യി​ലെ യാ​ത്ര​ക്കാർ​ക്ക് പ്ര​യോ​ജ​ന​ക​ര​മാ​കു​ന്ന വി​ധ​ത്തി​ലാ​ണ് സർ​വീ​സ്. ക​ടൂർ​ക്ക​ട​വ്, പ​ടു​തോ​ട് പാ​ല​ങ്ങളിലൂ​ടെയും ബ​സ് സർ​വ്വീ​സ് ആ​രം​ഭി​ക്ക​ണ​മെ​ന്ന ആ​വ​ശ്യം ശ​ക്ത​മാ​യിട്ടുണ്ട്.
താ​ലൂ​ക്ക് പ​രി​ധി​യിൽ കോ​ടി​കൾ ചെ​ല​വ​ഴി​ച്ച് മ​ണി​മ​ല​യാ​റ്റിൽ നിർ​മ്മി​ച്ച പാ​ല​ങ്ങ​ളി​ലൂ​ടെ ബ​സ് സർ​വീ​സ് തു​ട​ങ്ങാത്തത് പ്ര​ദേ​ശ​വാ​സി​ക​ളു​ടെ പ്ര​തി​ഷേ​ധ​ത്തി​നി​ട​യാ​ക്കി​യി​രു​ന്നു. പ​ത്ത​നം​തി​ട്ട ജി​ല്ല​യി​ലെ കോ​ട്ടാ​ങ്ങൽ പ​ഞ്ചാ​യ​ത്തി​നെ​യും കോ​ട്ട​യം ജി​ല്ല​യി​ലെ വെ​ള്ളാ​വൂർ
പ​ഞ്ചാ​യ​ത്തി​നെ​യും ബ​ന്ധി​പ്പി​ച്ച് ക​ടൂർ​ക്ക​ട​വി​ലും, പു​റ​മ​റ്റം, ക​ല്ലൂ​പ്പാ​റ പ​ഞ്ചാ​യ​ത്തു​ക​ളെ ബ​ന്ധി​പ്പി​ച്ച് പ​ടു​തോ​ട് പാ​ല​വും ഉ​യർ​ന്നി​ട്ട് വർ​ഷ​ങ്ങൾ പ​ല​തു​ക​ഴി​ഞ്ഞു.
ഒ​രേ​സ​മ​യം ഇ​രു​ദി​ശ​ക​ളി​ലേ​ക്കും സു​ഗ​മ​മാ​യി വാ​ഹ​ന​ങ്ങൾ ക​ട​ന്നു​പോ​കാ​വു​ന്ന വീ​തി​യി​ലാ​ണ് ര​ണ്ട് പാ​ല​ങ്ങ​ളും. കോ​ട്ട​യ​ത്തു​നി​ന്ന് വെ​ള്ളാ​വൂർ, കോ​ട്ടാ​ങ്ങൽ, ചു​ങ്ക​പ്പാ​റ, പെ​രു​മ്പെ​ട്ടി, റാ​ന്നി വ​ഴി​യോ, തീ​യാ​ടി​ക്കൽ, കോ​ഴ​ഞ്ചേ​രി​ വ​ഴി​യോ പ​ത്ത​നം​തി​ട്ട​യ്​ക്ക് ക​ടൂർ​ക്ക​ട​വ് പാ​ല​ത്തിൽ കൂ​ടി സർ​വീ​സ് ന​ട​ത്താ​വു​ന്ന​താ​ണ്. ഇ​ത്ത​ര​ത്തിൽ സർ​വീ​സ് തു​ട​ങ്ങി​യാൽ ഗ്രാ​മീ​ണ​മേ​ഖ​ല​യി​ലെ യാ​ത്രാ​ക്ലേ​ശ​ത്തി​ന് പ​രി​ഹാ​ര​മാ​കും.
ചു​ങ്ക​പ്പാ​റ, പെ​രു​മ്പെ​ട്ടി, ചാ​ലാ​പ്പ​ള്ളി, എ​ഴു​മ​റ്റൂർ എ​ന്നി​വി​ട​ങ്ങ​ളി​ലൂ​ടെ പ​ടു​തോ​ട് പാ​ല​ത്തിൽ കൂ​ടി തി​രു​വ​ല്ല, ച​ങ്ങ​നാ​ശേ​രി സർ​വീ​സ് ആ​രം​ഭി​ച്ചാൽ കി​ഴ​ക്കൻ മേ​ഖ​ല​യി​ലേ​ക്കു​ള്ള യാ​ത്രാ ബു​ദ്ധി​മു​ട്ട് ഒ​രു പ​രിധി​വ​രെ കു​റ​യ്​ക്കാൻ സാ​ധി​ക്കും. ഒ​ന്നി​ല​ധി​കം ബ​സു​കൾ ക​യ​റി​യി​റ​ങ്ങേ​ണ്ട ബുദ്ധിമുട്ടും ഒ​ഴി​വാ​ക്കാം. മ​ല്ല​പ്പ​ള്ളി​യിൽ നി​ന്ന് തു​ട​ങ്ങി പ​ടു​തോ​ട് പാ​ല​ത്തി​ലൂ​ടെ കാ​വിൻ​പു​റം, തു​ണ്ടി​യം​കു​ളം പാ​ല​ത്തു​ങ്കൽ, കോ​മ​ളം, ക​ല്ലു​പ്പാ​റ, പു​തുശേ​രി വ​ഴി മ​ല്ല​പ്പ​ള്ളി​യിൽ തി​രി​കെ എ​ത്തു​ന്ന വി​ധ​ത്തിൽ സർ​ക്കു​ലർ സർ​വീ​സ് തു​ട​ങ്ങു​ന്ന കാ​ര്യ​വും പ​രി​ഗ​ണി​ച്ചാൽ പ്രാ​ദേ​ശ​വാ​സി​കൾ​ക്ക് സ​ഞ്ചാ​ര​മാർ​ഗ​മാ​കും.

----------------------

ക​ടൂർ​ക്ക​ട​വ്,പ​ടു​തോ​ട് പാ​ല​ങ്ങ​ളി​ലൂ​ടെയും ബസ് വേണമെന്ന് നാട്ടുകാർ