പത്തനംതിട്ട : വിവിധ മേഖലകളിൽ സ്തുത്യർഹമായ നേട്ടങ്ങൾ കൈവരിച്ച വനിതകളിൽ നിന്ന് 2023 വർഷത്തെ വനിതാരത്‌ന പുരസ്‌കാരത്തിനുള്ള നോമിനേഷനുകൾ ക്ഷണിച്ചു. മറ്റ് വ്യക്തികൾ, സ്ഥാപനങ്ങൾ, സംഘടനകളിൽ നിന്ന് നോമിനേഷനുകൾ മാത്രമാണ് സമർപ്പിക്കേണ്ടത്. അവാർഡിനായി നോമിനേറ്റ് ചെയ്യുന്ന വ്യക്തി ജീവിച്ചിരിക്കുന്നവരും കഴിഞ്ഞ അഞ്ചു വർഷമെങ്കിലും സാമൂഹ്യ സേവനം, കായിക രംഗം, പ്രതികൂല സാഹചര്യങ്ങളെ അതിജീവിച്ച് ജീവിത വിജയം നേടിയ വനിത, സ്ത്രീകളുടെയും കുട്ടികളുടെയും ശാക്തീകരണം, വിദ്യാഭ്യാസ മേഖലയിലും ശാസ്ത്ര സാങ്കേതിക മേഖലയിലും വ്യക്തിമുദ്ര പതിപ്പിച്ച വനിത തുടങ്ങിയ ഏതെങ്കിലും മേഖലകളിൽ പ്രവർത്തിക്കുന്നവരായിരിക്കണം. ഓരോ പുരസ്‌കാര ജേതാവിനും അവാർഡ് തുകയായി ഒരു ലക്ഷം രൂപയും ശില്പവും പ്രശസ്തി പത്രവും നൽകും. ജില്ലാ വനിതാ ശിശുവികസനപദ്ധതി ഓഫീസർക്ക് നോമിനേഷൻ സമർപ്പിക്കുന്നതിനുള്ള അവസാന തീയതി ഫെബ്രുവരി അഞ്ച്. ഫോൺ : 0468 2966649.