കരുനാഗപ്പള്ളി : താലൂക്ക് ഹോമിയോ ആശുപത്രിയിൽ ഡീ അഡിക്ഷൻ സെന്റർ ആരംഭിക്കുന്നതിന് ടെക്നിക്കൽ സമിതിയുടെ ആദ്യ യോഗം ചേർന്നു. സംസ്ഥാനത്തെ ആദ്യത്തെ ഹോമിയോ ഡി- അഡിക്ഷൻ സെന്ററാണ് കരുനാഗപ്പള്ളിയിൽ ആരംഭിക്കുന്നത്. സെന്ററിന്റെ ഭൗതിക സാഹചര്യങ്ങൾ വിലയിരുത്തുന്നതിനും തുടർ നടപടികൾ വിലയിരുത്തുന്നതിനുമായി ഹോമിയോ ഡിപ്പാർട്ട്മെന്റിലെ ഉന്നത ഉദ്യോഗസ്ഥരുമായി എക്സൈസ് ഉദ്യോഗസ്ഥർ ചർച്ച നടത്തി. കരുനാഗപ്പള്ളി എക്സൈസ് അസിസ്റ്റന്റ് എക്സൈസ് ഇൻസ്പെക്ടർ പി.എൻ.വിജിലാലിന്റെ നേതൃത്വത്തിൽ പ്രിവന്റീവ് ഓഫീസർ പി.എ.അജയകുമാർ, എസ്.ആർ.ഷെറിൻ രാജ്, സിവിൽ എക്സൈസ് ഓഫീസർമാരായ ചാൾസ്, സാജൻ എന്നിവർ ഡിപ്പാർട്ട്മെന്റിനെ പ്രതിനിധീകരിച്ചു. പ്രോജക്ട് സ്റ്റേറ്റ് കൺവീനർ ഡോ.മുഹമ്മദ് ടെസ്റ്റ്മാൻ, സുപ്രണ്ട് ഡോ.ഹരിലാൽ , ഡോ.ദിനേശ് ,ഡോ.ഹരീഷ് ബാബു, ഡോ.രാജീവ് എബ്രഹാം, ഡോ.ഭുവനേശ്വരി, ഡോ. മിനി, ഡോ.ചിത്ര, രാജശ്രീ എന്നിവർ ഹോമിയോ ഡിപ്പാർട്ട്മെന്റിനെ പ്രതിനിധീകരിച്ചും പങ്കെടുത്തു. തുടർ പ്രവർത്തനങ്ങളെ പറ്റി ആലോചിക്കുന്നതിന് സി.ആർ.മഹേശ് എം.എൽ.എ, മുൻസിപ്പൽ ചെയർമാൻ, കോട്ടയിൽ രാജു എന്നിവരുടെ സാന്നിധ്യത്തിൽ ഇരു ഡിപ്പാർട്ട്മെന്റിലെയും ഉന്നത ഉദ്യോഗസ്ഥരുടെ യോഗം ചേരാൻ തീരുമാനിച്ചു.