കൊല്ലം: ശ്രീനാരായണ ഗുരു ഓപ്പൺ സർവകലാശാലയുടെ (2022 അഡ്മിഷൻ) ഒന്നും രണ്ടും സെമസ്റ്റർ യു.ജി പ്രോഗ്രാം (ബി.എ ഇംഗ്ലീഷ്, അറബിക്, ഹിന്ദി, മലയാളം, സംസ്‌കൃതം) പരീക്ഷാഫലം പ്രസിദ്ധീകരിച്ചു.

സർവകലാശാല ആസ്ഥാനത്ത് നടന്ന ചടങ്ങിൽ വൈസ് ചാൻസലർ ഡോ. പി.എം. മുബാറക് പാഷ പരീക്ഷാഫലം പ്രഖ്യാപിച്ചു. പ്രോ വൈസ് ചാൻസലർ ഡോ. എസ്.വി. സുധീർ, പരീക്ഷ കൺട്രോളർ ഡോ. ജെ. ഗ്രേഷ്യസ്, രജിസ്ട്രാർ ഡോ. ഡിംപി വി.ദിവാകരൻ, സൈബർ കൺട്രോളർ ഡോ. എം. ജയമോഹൻ, ഫിനാൻസ് ഓഫീസർ എം.എസ്. ശരണ്യ എന്നിവർ പങ്കെടുത്തു.

ബി.എ ഒന്നാം സെമസ്റ്റർ പരീക്ഷയിൽ 58.91 ശതമാനം പേരും രണ്ടാം സെമസ്റ്ററി​ൽ 70.36 ശതമാനം പേരും വിജയിച്ചു. പരീക്ഷാഫലം വിവിധ ലേണർ സപ്പോർട്ട് സെന്റർ ക്രമത്തിൽ www.sgou.ac.in എന്ന വെബ്സൈറ്റിൽ ലഭ്യമാണ്. കോഴ്സ് തിരിച്ചുള്ള മാർക്കുകൾ www.sgou.ac.in/marklist എന്ന ലിങ്കിൽ ലഭി​ക്കും. അസൈൻമെന്റുകൾ സമർപ്പിച്ചിട്ടില്ലാത്തവരുടെ പരീക്ഷാഫലം പ്രസിദ്ധീകരിച്ചിട്ടില്ല. പഠിതാക്കൾക്ക് സർവകലാശാലയിൽ നിന്നു അറിയിപ്പ് ലഭിച്ചശേഷം സെമസ്റ്റർ ഗ്രേഡ് കാർഡുകൾ അവരുടെ ലോഗിനിൽ നിന്നു ഡൗൺലോഡ് ചെയ്യാവുന്നതാണ്.

പുനർ മൂല്യനിർണയത്തിനും ഉത്തരക്കടലാസിന്റെ സോഫ്റ്റ് കോപ്പി ലഭിക്കാനും നിശ്ചിത ഫീസ് അടച്ച് ഓൺലൈനായി അപേക്ഷിക്കണം. അപേക്ഷകൾ erp.sgou.ac.in എന്ന ലേണർ ഡാഷ്‌ ബോർഡ് വഴി നൽകണം. അവസാന തീയതി ജനുവരി 18 ആണ്. ഉത്തരക്കടലാസുകളുടെ സോഫ്റ്റ് കോപ്പി ലഭിച്ച ശേഷം പുനർ മൂല്യനിർണയത്തിന് അപേക്ഷിക്കാൻ അവസരം ഉണ്ടാവി​ല്ല. ഫോൺ​: 9188920013, 9188920014.