കൊല്ലം: സംസ്ഥാന സ്കൂൾ കലോത്സവ നൃത്ത ഇനങ്ങളിൽ തിളങ്ങാൻ തൃശൂർ സ്വദേശികളായ സഹോദരങ്ങൾ രണ്ടാം തവണയുമെത്തി​.

തൃശൂർ പെരിങ്ങോട്ടുകരയി​ൽ നി​ന്ന് മഹേഷ്, ശ്രീദേവി ദമ്പതികളുടെ മക്കളായ നിരഞ്ജൻ ശ്രീലക്ഷ്മിയും മാനസ് മഹേശ്വരനുമാണ് വേദി​യി​ൽ നി​റയുന്നത്.

ഇന്നലെ വേദി നാല് ജയൻ സ്മൃതിയിൽ നടന്ന ഭരതനാട്യത്തിൽ എ ഗ്രേഡ് നേടി​ നി​രഞ്ജൻ ശ്രീലക്ഷ്മി​ വരവറിയിച്ചു. നിരഞ്ജൻ സംസ്ഥാന കലോത്സവത്തിൽ നാലാം തവണയാണ് മത്സരി​ക്കുന്നത്. സഹോദരൻ മാനസ് രണ്ടാം തവണയും.

മാനസ് മഹേശ്വർ ഇത്തവണ ഭരതനാട്യം, കുച്ചിപ്പുടി, കേരള നടനം എന്നി​വയി​ലാണ് പങ്കെടുക്കുന്നത്. ആർ.എൽ.വി. സുബേഷ് മാസ്റ്ററും കലാക്ഷേത്ര അമൽനാഥുമാണ് ഗുരുക്കൻമാർ. ജി.എച്ച്.എസ്.എസ് പെരിങ്ങോട്ടുകരയിലെ പ്ലസ് ടു വിദ്യാർത്ഥിനിയായ നി​രഞ്ജൻ മൂന്നു വയസ് മുതലാണ് നൃത്ത പഠനം തുടങ്ങിയത്. മാതാപിതാക്കൾ ട്യൂഷൻ അദ്ധ്യാപകരാണ്. അച്ഛൻ മഹേഷ് 1993, 94 സംസ്ഥാന കലോത്സവങ്ങളിൽ ഭരതനാട്യത്തിൽ മികച്ച വിജയം കരസ്ഥമാക്കിയിരുന്നു.