കുന്നത്തൂർ: മൈനാഗപ്പള്ളി ഗ്രാമപഞ്ചായത്തിലെ 2024-25 വാർഷിക പദ്ധതി രൂപീകരണവുമായി ബന്ധപ്പെട്ട് വികസന സെമിനാർ നടന്നു. വരുന്ന സാമ്പത്തിക വർഷം മൈനാഗപ്പള്ളിയിലെ ലൈഫ് ഭവന പദ്ധതിയിൽ പട്ടികജാതി വിഭാഗത്തിൽപ്പെട്ട 237 കുടുംബങ്ങൾക്കും ജനറൽ വിഭാഗത്തിൽ 466 കുടുംബങ്ങൾക്കും ഭൂമിയും വീടും ഇല്ലാത്ത 230 കുടുംബങ്ങളിൽ മുഴുവൻ പേർക്കും ഈ സാമ്പത്തിക വർഷം തന്നെ വീട് നൽകുന്നതിന് തീരുമാനിച്ചു. വികസന സെമിനാർ കോവൂർ കുഞ്ഞുമോൻ എം.എൽ.എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് പി.എം.സെയ്ദ് അദ്ധ്യക്ഷനായി. വൈസ് പ്രസിഡന്റ് ബി.സേതു ലക്ഷ്മി, സ്റ്റാൻഡിംഗ് കമ്മിറ്റി അദ്ധ്യക്ഷരായ സജിമോൻ, മനാഫ് മൈനാഗപ്പള്ളി, ഷീബ സിജു,

ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ അനിൽ.എസ്.കല്ലേലിഭാഗം, ബ്ലോക്ക് പഞ്ചായത്ത് മെമ്പർമാരായ വൈ.ഷാജഹാൻ, രാജി രാമചന്ദ്രൻ, പഞ്ചായത്തംഗങ്ങളായ ബിന്ദു മോഹൻ, ബിജുകുമാർ, ജലജ രാജേന്ദ്രൻ, ഉഷാകുമാരി, ഷാജി ചിറക്കുമേൽ, ഷിജിന നൗഫൽ, റഫിയ നവാസ്, രജനി സുനിൽ, ലാലി ബാബു, വർഗീസ് തരകൻ, രാധിക ഓമനക്കുട്ടൻ, ബിജികുമാരി, അജി ശ്രീക്കുട്ടൻ, ഷഹു ബാനത്ത്, മെഡിക്കൽ ഓഫീസർ ഡോ.ബൈജു, ആസൂത്രണ സമിതി ഉപാദ്ധ്യക്ഷൻ കെ.പി.ദിനേശ്, പഞ്ചായത്ത് സെക്രട്ടറി ഷാനവാസ്, അസി.സെക്രട്ടറി സിദ്ദീക്ക് എന്നിവർ പങ്കെടുത്തു.