കൊ​ല്ലം: 'മാ​താ​വും പി​താ​വും ഗു​രു​വും കാ​ണ​പ്പെ​ട്ട ദൈ​വ​ങ്ങ​ളാ​ണ്, അ​വ​രെ ആ​രും ഉ​പേ​ക്ഷി​ക്ക​രു​ത്' എ​ന്ന സ​ന്ദേ​ശ​വു​മാ​യി പ​ത്ത​നാ​പു​രം ഗാ​ന്ധി​ഭ​വൻ അ​ഭ​യ​കേ​ന്ദ്ര​ത്തി​ലെ 20 അ​മ്മ​മാർ ആ​ശ്രാ​മം മൈ​താ​നി​യി​ലെ ക​ലോ​ത്സ​വ നഗരിയിലെത്തി. 'മാ​താ പി​താ ഗു​രു ദൈ​വം, മാ​താ​പി​താ​ക്ക​ളെ സ്‌​നേ​ഹി​ക്കു​ക ആ​ദ​രി​ക്കു​ക സം​ര​ക്ഷി​ക്കു​ക, നി​ങ്ങൾ മാ​താ​പി​താ​ക്ക​ളോ​ട് ക​രു​ണ​യു​ള്ള​വ​രാ​കു​വിൻ എ​ങ്കിൽ ദൈ​വം നി​ങ്ങ​ളോ​ടും ക​രു​ണ കാ​ട്ടും, ഏ​തു നി​ല​യി​ലെ​ത്തി​യാ​ലും നി​ങ്ങൾ അ​ച്ഛ​ന​മ്മ​മാ​രെ കൈ​വി​ട​രു​തേ മ​ക്ക​ളേ'​ തു​ട​ങ്ങി​യ സ​ന്ദേ​ശ​ങ്ങ​ള​ട​ങ്ങി​യ പ്ല​ക്കാർ​ഡു​ക​ളു​മാ​യാ​ണ് അ​മ്മ​മാർ എ​ത്തി​യ​ത്. ക​ലാ​കാ​രി​യാ​യ അ​ന്തേ​വാ​സി പ്ര​ഭാ​വ​തി​അ​മ്മ​യാ​ണ് കു​ട്ടി​കൾ​ക്ക് ന​ന്മ​യു​ടെ സ​ന്ദേ​ശം പ​ക​രുന്ന ആ​ശ​യവുമായി കലോത്സവം കാണാൻ പോകാമെന്ന ആശയം മുന്നോട്ട് വച്ചത്.

ഗാ​ന്ധി​ഭ​വ​ന്റെ നേ​തൃ​ത്വ​ത്തിൽ ആ​രം​ഭി​ച്ച സ്‌​നേ​ഹ​പ്ര​യാ​ണം ആ​യി​രം ദി​ന​ങ്ങൾ പ​ദ്ധ​തി​യിൽ ഓ​രോ ദി​വ​സ​വും വി​വി​ധ വി​ദ്യാ​ല​യ​ങ്ങ​ളിൽ നി​ന്ന് നി​ര​വ​ധി വി​ദ്യാർ​ത്ഥി​കൾ പ​ങ്കെ​ടു​ക്കു​ക​യും അ​വർ ന​ന്മ​യു​ടെ പാഠ​ങ്ങൾ ഉൾ​ക്കൊ​ണ്ട് മ​ട​ങ്ങു​ക​യും ചെ​യ്യു​ന്നു. ​ 563 ദി​വ​സം പി​ന്നി​ട്ട പ​ദ്ധ​തി​യിൽ ഇ​തി​നോ​ട​കം ഇ​രു​പ​തി​നാ​യി​ര​ത്തി​ല​ധി​കം വി​ദ്യാർ​ത്ഥി​കൾ പ​ങ്കെ​ടു​ത്തു. ഒ​രു ദി​നം പോ​ലും മു​ട​ങ്ങാ​തെ ഈ സം​ഗ​മം ആ​യി​രം ദി​വ​സം പൂർ​ത്തി​യാ​ക്കു​മ്പോൾ ഒ​രു ല​ക്ഷം വി​ദ്യാർ​ത്ഥി​കൾ ഗാ​ന്ധി​ഭ​വ​നി​ലെ​ത്തി ന​ന്മ​യു​ടെ സ​ന്ദേ​ശ​വാ​ഹ​ക​രാ​യി മ​ട​ങ്ങു​മെ​ന്ന് ഗാ​ന്ധി​ഭ​വൻ സെ​ക്ര​ട്ട​റി പു​ന​ലൂർ സോ​മ​രാ​ജൻ പ​റ​ഞ്ഞു.