കൊല്ലം: കൊല്ലം ജോയ് ആലുക്കാസ് ഫൗണ്ടേഷന്റെ ആഭിമുഖ്യത്തിൽ സൗജന്യ ഡയാലിസിസ് കിറ്റ് വിതരണം നടത്തി. ഇന്നലെ രാവിലെ കൊല്ലം ജോയ് ആലുക്കാസിൽ നടന്ന ചടങ്ങ് തങ്കശേരി ഡിവിഷൻ കൗൺസിലർ ജെ.സ്റ്റാൻലി ഉദ്ഘാടനം ചെയ്തു.

കേരളകൗമുദി കൊല്ലം യൂണിറ്റ് ചീഫും റെസിഡന്റ് എഡിറ്ററുമായ എസ്.രാധാകൃഷ്ണൻ മുഖ്യപ്രഭാഷണവും കിറ്റ് വിതരണവും നിർവഹിച്ചു. കൊല്ലം ജോളി സിൽക്ക്‌സ് മാനേജർ ടി.എൽ.അലക്‌സ് അദ്ധ്യക്ഷനായി. ജോയ് ആലുക്കാസ് പി.ആർ.ഒ എൻ.വിശ്വേശരൻ പിള്ള സ്വാഗതവും ജോയ് ആലുക്കാസ് കൊല്ലം മാനേജർ ടി.എം.അരുൺകുമാർ നന്ദിയും പറഞ്ഞു.