ഓയൂർ : വെളിനല്ലൂർ പഞ്ചായത്തിൽ കാട്ടു പന്നിയുടെ ആക്രമണത്തിൽ
വ്യാപാരിക്ക് പരിക്ക് . റബർ ടാപ്പിംഗിന് ബൈക്കിൽ പോവുകയായിരുന്ന വ്യാപാരി വ്യവസായി സമിതി കരിങ്ങന്നൂർ യൂണിറ്റ് അംഗവും സലിം ബേക്കറി ഉടമയുമായ അയൂബ് ഖാനാണ് പരിക്കേറ്റത്. തിരുവനന്തപുരം ഫോർട്ട് ഹോസ്പിറ്റലിൽ ചികിത്സയിലാണ് . സ്ഥിരമായി പ്രദേശത്ത് പന്നിയുടെ ആക്രമണം ഉണ്ടാകുന്നു. കാർഷിക വിളകളും വ്യാപകമായി നശിപ്പിക്കുന്നുണ്ട്. ജനങ്ങളുടെ ജീവനും സ്വത്തിനും സംരക്ഷണം നൽകുവാൻ ആവശ്യമായ നടപടിയെടുക്കണമെന്ന് വ്യാപാരി വ്യവസായി സമിതി ചടയമംഗലം ഏരിയാ സെക്രട്ടറി എസ്. സൈജു, കരിങ്ങന്നൂർ യൂണിറ്റ് പ്രസിഡന്റ് കെ. രാജേന്ദ്രൻ പിള്ള , സെക്രട്ടറി എസ്.രതീഷ് എന്നിവർ ആവശ്യപ്പെട്ടു.