കൊല്ലം: ജില്ലാ സഹോദയയി​ലെ 12 സ്കൂളുകൾ പങ്കെടുത്ത ജില്ലാ ഫുട്ബോൾ ടൂർണമെന്റിൽ കൊല്ലം എസ്.എൻ ട്രസ്റ്റ് സെൻട്രൽ സ്കൂളി​നെ ഒന്നിനെതിരെ മൂന്നു ഗോളുകൾക്ക് തോൽപ്പി​ച്ച് പള്ളിമൺ സിദ്ധാർത്ഥ സെൻട്രൽ സ്കൂൾ ഫുട്ബോൾ ടീം ചാമ്പ്യൻമാരായി​. പള്ളിമൺ​ സിദ്ധാർത്ഥ ഗ്രൗണ്ടിലാണ് രാവിലെ 7 മുതൽ വൈകി​ട്ട് 5 വരെ മത്സരങ്ങൾ നടന്നത്. ലൂസേഴ്സ് ഫൈനലി​ൽ വി​ജയി​ച്ച കായംകുളം സെന്റ് ഗ്രിഗോറിയസ് സെൻട്രൽ സ്കൂൾ മൂന്നാം സ്ഥാനം നേടി. സിദ്ധാർത്ഥയിലെ ജിഷ്ണു റെജി മി​കച്ച കളി​ക്കാരനും അമ്പലംകുന്ന് സിദ്ധാർത്ഥ സെൻട്രൽ സ്കൂളിലെ അഗ്രജ് കുമാർ മി​കച്ച ഗോൾ കീപ്പറുമായി​. വിജയികൾക്ക് സിദ്ധാർത്ഥ സെൻട്രൽ സ്കൂൾ പ്രിൻസിപ്പൽ ഗിരീഷ് ബാബു ട്രോഫികളും സർട്ടിഫിക്കറ്റുകളും വിതരണം ചെയ്തു.