കൊല്ലം: രാജ്യത്ത് മുന്തിയ പരിഗണന ലഭിച്ചിരുന്ന കേരളത്തിലെ ഉന്നത വിദ്യാഭ്യാസ മേഖല അമിത ഇടത് രാഷ്ട്രീയവത്കരണം മൂലം തകർച്ചയുടെ വഴിയിലാണെന്ന് പി​സി​. വി​ഷ്ണുനാഥ് എം.എൽ.എ പറഞ്ഞു. എയ്ഡഡ് ഹയർസെക്കൻഡറി ടീച്ചേഴ്സ് അസോസിയേഷന്റെ 33-ാം ജില്ലാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഉച്ചഭക്ഷണത്തിന് ഫണ്ട് കണ്ടെത്താനാകാതെ സമ്മർദ്ദം അനുഭവിക്കുന്നവരാണ് ഹെഡ്മാസ്റ്റർമാർ. 500 ലേറെ പ്രൈമറി ഹെഡ്മാസ്റ്റർമാരാണ് തങ്ങളെ പദവിയിൽ നിന്ന് ഒഴിവാക്കിത്തരണമെന്ന് അഭ്യർത്ഥിച്ചിരിക്കുന്നതെന്നും അദ്ദേഹം പറഞ്ഞു.
ജില്ലാ പ്രസിഡന്റ് മനേഷ് അദ്ധ്യക്ഷത വഹി​ച്ചു. പൊതുസമ്മേളനത്തിൽ രാജൻ മലനട ആമുഖപ്രഭാഷണവും എസ്. സതീഷ് മുഖ്യപ്രഭാഷണവും നടത്തി. ശ്രീകുമാർ കടയാറ്റ്, ജ്യോതി രഞ്ജിത്ത്, അബ്ദുൽനിസാം, ആദർശ് വാസുദേവ്, ദീപാ സോമൻ, ജി​. റജി എന്നിവർ സംസാരി​ച്ചു. തുടർന്ന് വിദ്യാഭ്യാസ സമ്മേളനം സംസ്ഥാന വൈസ് പ്രസിഡന് ശ്രീരംഗം ജയകുമാർ ഉദ്ഘാടനം ചെയ്തു.

സംസ്ഥാന സെക്രട്ടറി കസ്മീർ തോമസ് അദ്ധ്യക്ഷത വഹി​ച്ചു. ഹയർ സെക്കൻഡറി മുൻ ജില്ലാ കോ ഓർഡിനേറ്റർ ബി. അനിൽകുമാർ മുഖ്യപ്രഭാഷണം നടത്തി. മാത്യു പ്രകാശ്, ഉണ്ണിക്കൃഷ്ണൻ ഉണ്ണിത്താൻ, ഷിജുജോൺ സാമൂൽ, പാർവ്വതി എന്നിവർ സംസാരി​ച്ചു.
മികച്ച അദ്ധ്യാപകനുള്ള ജില്ലാ കമ്മിറ്റിയുടെ പുരസ്കാരം ശ്രീകുമാർ കടയാറ്റിന് സമ്മാനിച്ചു. ഈ വർഷം സർവീസിൽ നിന്ന് വിരമിക്കുന്ന ജി​. ഫ്രാൻസിസ് (പ്രിൻസിപ്പൽ, ക്രിസ്തുരാജ് എച്ച്.എസ്.എസ്), രാജൻമലനട (എസ്.എൻ.എസ്.എം എച്ച്.എസ്.എസ്, ഇളമ്പള്ളൂർ), ഡി​. ജ്യോതി ( എം.എസ്.എം എച്ച്.എസ്.എസ്, ചാത്തിനാംകുളം), പ്രിയദർശിനി (ചെമ്പകശേരി എച്ച്.എസ്.എസ്, ഭൂതക്കുളം), ജെ. ഗീതാമണിയമ്മ (എം.കെ. എൽ.എം എച്ച്.എസ്.എസ്, കണ്ണനല്ലൂർ) എന്നിവരെ യോഗത്തിൽ ആദരി​ച്ചു. തുടർന്ന് പുതിയ ഭാരവാഹികളുടെ തി​രഞ്ഞെടുപ്പ് നടന്നു