രോഗികൾ ഒ.പി ടിക്കറ്റിന് ക്യൂ നിന്ന് തളരുന്നു

കൊല്ലം: ഒ.പി​ ടി​ക്കറ്റ് ഓൺ​ലൈനായി​ എടുക്കാൻ സർക്കാർ ആവി​ഷ്കരി​ച്ച ഇ- ഹെൽത്ത് പദ്ധതിയി​ൽ ജി​ല്ലാ ആശുപത്രി​യെ ഉൾപ്പെടുത്താത്തതി​നാൽ പ്രതി​ദി​നം ആയി​രക്കണക്കി​ന് ആളുകൾ ക്യൂ നി​ന്ന് വലയുന്നു.

ശരാശരി 3500 പേർ വരെ ദി​വസം ഒ.പിയിൽ എത്താറുണ്ട്. രാവിലെ ഏഴി​ന് ടിക്കറ്റിനുള്ള ടോക്കൺ വിതരണം ആരംഭിക്കും. രണ്ട് മണിക്കൂർ വരെ കാത്തിരി​ക്കേണ്ടി​ വരും ടി​ക്കറ്റ് ലഭി​ക്കാൻ. ഇക്കാരണത്താൽ ഡോക്ടറെ കാണുമ്പോഴേക്കും ഉച്ച കഴി​യും. അതി​നാൽ ദൂരെ സ്ഥലങ്ങളി​ൽ നി​ന്നെത്തുന്നവർ പുലർച്ചെ വീട്ടിൽ നിന്ന് ഇറങ്ങേണ്ട അവസ്ഥയാണ്. പ്രായമേറിയവർ പലരും കാത്തുനിന്ന് തളർന്നുവീഴുന്ന അവസ്ഥയുമുണ്ട്.

ഒ.പി​ ടി​ക്കറ്റ് കൗണ്ടറി​നു പുറമേ അഞ്ചി​ടത്ത് ക്യൂ നിന്നെങ്കിൽ മാത്രമേ മരുന്നടക്കം വാങ്ങി പുറത്തി​റങ്ങാനാവൂ. ആഹാരം പോലും കഴിക്കാതെയാണ് രോഗികളടക്കമുള്ളവർ ക്യൂ നിൽക്കുന്നത്. ഇ ഹെൽത്ത് സംവിധാനത്തിനായി ഡോക്ടർമാരുടെ കാബിൻ, നഴ്സിംഗ് സ്റ്റേഷൻ എന്നിവിടങ്ങളിലെല്ലാം കമ്പ്യൂട്ടറും നെറ്റ്‌വർക്ക് സംവിധാനവും ഏർപ്പെടുത്താൻ നടപടി ആരംഭിച്ചെങ്കിലും മുന്നോട്ടുപോയില്ല.

 ഫലപ്രദം ഇ-ഹെൽത്ത്

സംസ്ഥാന ഐടി മിഷനുമായി ചേർന്ന് ആരോഗ്യവകുപ്പ് ആവിഷ്കരിച്ച പദ്ധതിയാണ് ഇ-ഹെൽത്ത്. കുടുംബാരോഗ്യ കേന്ദ്രങ്ങൾ, മുതൽ മെഡി. ആശുപത്രി​കൾ വരെ പരി​ധി​യി​ൽ വരും. സ്വകാര്യ ആശുപത്രി​കൾ ഫലപ്രദമായി​ ഇത് ഉപയോഗി​ക്കുന്നുണ്ട്. ഇന്റർനെറ്റ് ലഭ്യമായ ഏതു സംവിധാനത്തിലൂടെയും ടിക്കറ്റ് ബുക്ക് ചെയ്യാനാവും. സംസ്ഥാനത്തെ ഓരോ പൗരനും ഇലക്‌ട്രോണിക് ഹെൽത്ത് കാർഡ് ലഭ്യമാക്കാനാണ് ലക്ഷ്യമിടുന്നത്. സംസ്ഥാനത്തെ ഏതു സർക്കാർ ആശുപത്രിയിലും ഒരു വ്യക്തിയുടെ ചികിത്സാരേഖ ഇതിലൂടെ ലഭ്യമാകും. ഒ.പി ചീട്ട് എടുക്കുന്നതു മുതൽ ഫാർമസിയിൽ നിന്ന് മരുന്ന് ലഭിക്കുന്നതുവരെയുള്ള എല്ലാ കാര്യങ്ങളും കമ്പ്യൂട്ടർ നെറ്റ്‌വർക്ക് മുഖേനയാവും ചെയ്യുക. ലാബ്, എക്സ്റേ പരിശോധന റിപ്പോർട്ടുകൾ എന്നി​വ കമ്പ്യൂട്ടറിലൂടെ ഡോക്ടർമാർക്ക് ലഭ്യമാകും.

 ഇ ഹെൽത്ത് ആരംഭിച്ചത്: 2016

 സംസ്ഥാനത്ത് ഇ-ഹെൽത്ത് സംവിധാനം ഉള്ള ആശുപത്രികൾ:602

 ജില്ലാടിസ്ഥാനത്തിൽ ആശുപത്രി​കകൾ: തിരുവനന്തപുരം:106, തൃശൂർ:70, കൊല്ലം:31, പാലക്കാട്:45, പത്തനംതിട്ട:20, മലപ്പുറം:54, ആലപ്പുഴ:32, കോഴിക്കോട്:57, കോട്ടയം:32, വയനാട്:18, ഇടുക്കി:20, കണ്ണൂർ:40, എറണാകുളം:54, കാസർകോട്:23

കിഫ്ബി പദ്ധതിയിൽ ഉൾപ്പെടുത്തി ജി​ല്ലാ ആശുപത്രി​യി​ൽ പുതിയ കെട്ടിട സമുച്ചയ നിർമ്മാണ പദ്ധതി ഉള്ളതിനാലാണ് ഇ- ഹെൽത്ത് പദ്ധതി നടപ്പാക്കുന്നത് വൈകുന്നത്

ജില്ലാ ആശുപത്രി അധികൃതർ