കൊല്ലം: പച്ചക്കറികൾ, ആയുർവ്വേദ മരുന്നുകൾ എന്നിവയിൽ അടങ്ങിയിരിക്കുന്ന വിഷങ്ങൾ പെട്ടെന്നു കണ്ടുപിടിക്കാനുള്ള ഉപകരണം രൂപകൽപന ചെയ്ത പരിസ്ഥിതി ശാസ്ത്രജ്ഞനും കേരള യൂണിവേഴ്‌സിറ്റി സൂവോളജി മുൻ അദ്ധ്യാപകനും നി​ലവി​ൽ സിംഗപ്പൂരിലെ ഇന്റർനാഷണൽ യൂണിവേഴ്‌സിറ്റി പ്രൊഫസറുമായ ഡോ. സൈനുദ്ദീൻ പട്ടാഴിക്ക് ഭാരത സർക്കാരിന്റെ പേറ്റന്റ് ലഭിച്ചു. മുൻപ് കോംപാക്ട് ഡി.എൻ.എ അനലൈസർ, സമുദ്രാന്തര പഠനത്തിനുള്ള റോബോട്ട് എന്നി​വ കണ്ടുപിടിച്ചതിനും പേറ്റന്റ് ലഭിച്ചിരുന്നു. വി​ഷങ്ങൾ കണ്ടുപി​ടി​ക്കുന്ന ഉപകരണത്തി​ന് ഏകദേശം എട്ടു ലക്ഷം രൂപയാണ് ചെലവായത്​.