കൊല്ലം: കൊല്ലം എസ്.എൻ കോളേജ് റിട്ട.ടീച്ചേഴ്സ് അസോസിയേഷന്റെ സിൽവർ ജൂബിലി ആഘോഷങ്ങളുടെ ഭാഗമായി ആശാൻ വിചാരസദസ് സംഘടിപ്പിക്കും. 19ന് രാവിലെ 11ന് കൊല്ലം കൊച്ചുപിലാംമൂട് പ്രശാന്തി ഓഡിറ്റോറിയത്തിൽ ഡോ.ജോർജ്ജ് ഓണക്കൂർ വിചാരസദസ് ഉദ്ഘാടനം ചെയ്യും. അസോസിയേഷൻ പ്രസിഡന്റ് പ്രൊഫ.എസ്.സുലഭ അദ്ധ്യക്ഷയാകും. ഡോ.കെ.എസ്.രവികുമാർ മുഖ്യപ്രഭാഷണം നടത്തും. പ്രൊഫ.കെ.ജയരാജൻ സംസാരിക്കും. അസോസിയേഷൻ സെക്രട്ടറി ഡോ.എം.വിശ്വനാഥൻ സ്വാഗതവും ഡോ.ജി.പുഷ്പാംഗദൻ നന്ദിയും പറയും. ഇതേ ദിവസം രാവിലെ 10 മുതൽ ക്രിസ്തുമസ്-പുതുവത്സരാഘോഷവും നടക്കും. രാവിലെ 9 മുതൽ പ്രൊഫ.വസന്തകുമാർ സാംബശിവന്റെ നിരപരാധി എന്ന കഥാപ്രസംഗവും അരങ്ങേറും.