കരുനാഗപ്പള്ളി: നഗരസഭയിലെ യു.ഡി.എഫ് കൗൺസിലർമാർ നഗരസഭ സെക്രട്ടറിയെ ഉപരോധിച്ചു. നഗരസഭയിലെ തെരുവ് വിളക്കുകൾ കത്തിക്കാൻ നടപടി സ്വീകരിക്കാത്തതിൽ പ്രതിഷേധിച്ചായിരുന്നു ഉപരോധം. കാട് മൂടി കിടക്കുന്നതിനാൽ ഇഴജന്തുക്കളുടെ ശല്യം വളരെ കൂടുതലാണ്. മാസങ്ങളായി ആവശ്യപ്പെട്ടിട്ടും വിളക്കുകൾ കത്തിക്കാൻ നടപടിയെടുത്തില്ല. പ്രശ്‌​നങ്ങൾ ഉടനടി പരിഹരിക്കാമെന്ന് ഉറപ്പ് നൽകിയതിനെ ഉപരോധം അവസാനിപ്പിച്ചു. യു.ഡി.എഫ് പാർലമെന്ററി പാർട്ടി ലീഡർ എം.അൻസാർ, കൗൺസിലർമാരായ അഡ്വ.ടി.പി.സലിംകുമാർ, ബീനജോൺസൺ, സിംലാൽ, റഹിയാനത്ത് ബീവി, എം.എസ്.ശിബു എന്നിവർ ഉപരോധത്തിൽ പങ്കെടുത്തു.