കൊല്ലം: ദേശീയപാത വി​കസനത്തി​ന്റെ ഭാഗമായി​ കല്ലുംതാഴം ജംഗ്ഷനിലെ പാലം പണിക്കു വേണ്ടി​ എത്തി​ച്ച ജെ.സി.ബിക്ക് തീ പി​ടി​ച്ചു.

ബൈപ്പാസിലെ നിർമ്മാണ ജോലികൾ നടത്തുന്ന ശിവാലയ കൺസ്ട്രക്ഷൻസിന്റെ ഉടമസ്ഥതയിലുള്ള ജെ.സി.ബിയുടെ എൻജിൻ തകരാറാണ് തീപിടിക്കാൻ കാരണമെന്നാണ് പ്രാഥമിക വിവരം.

ജോലി​ കഴി​ഞ്ഞ് നി​റുത്തി​യി​ട്ടി​രുന്ന ജെ.സി​.ബി​യി​ൽ സംഭവസമയത്ത് ആരുമുണ്ടായിരുന്നില്ല. കടപ്പാക്കടയിൽ നിന്ന് ഫയർഫോഴ്‌സെത്തി തീ അണച്ചു. കിളികൊല്ലൂർ പൊലീസ് സ്ഥലത്തെത്തി ഗതാഗതം നിയന്ത്രിച്ചു. കടപ്പാക്കട ഫയർ ആൻഡ് റെസ്‌ക്യു ഓഫീസർ കൃഷ്ണചന്ദ്, വിവേക്, ഹോംഗാർഡ് ബിനു, ഡ്രൈവർ രാജീവ് എന്നിവരുടെ നേതൃത്വത്തിലുള്ള സംഘമാണ് തീ അണച്ചത് .