വടക്കാഞ്ചേരി: മിണാലൂർ വടക്കേക്കര നഗരസഭയിലെ ഡിവിഷനിൽ മുപ്പതിൽ നിർമ്മിച്ച ശീതീകരിച്ച അംഗൻവാടി കെട്ടിടം മന്ത്രി കെ.രാധാകൃഷ്ണൻ ഉദ്ഘാടനം ചെയ്തു. നഗരസഭാ ചെയർമാൻ പി.എൻ.സുരേന്ദ്രൻ അദ്ധ്യക്ഷത വഹിച്ചു. ഓപ്പൺ ജിംനേഷ്യത്തിന്റെ ഉദ്ഘാടനം സേവ്യർ ചിറ്റിലപ്പള്ളി എം.എൽ.എ നിർവഹിച്ചു. നടൻ നന്ദകിഷോർ മുഖ്യാതിഥിയായി. നഗരസഭാ വൈസ് ചെയർപേഴ്‌സൺ ഷീലാ മോഹൻ, നഗരസഭാ വികസന കാര്യ സ്റ്റാൻഡിംഗ് കമ്മറ്റി ചെയർമാൻ എം.ആർ.അനൂപ് കിഷോർ, സ്ഥിരം സമിതി അദ്ധ്യക്ഷന്മാരായ എം.എം.ജമീലാബി, സി.വി.മുഹമ്മദ് ബഷീർ, സ്വപ്ന ശശി , കൗൺസിലർമാരായ കെ.അജിത് കുമാർ, ധന്യ നിധിൻ, എസ്.ബി.ഐശ്വര്യ, പി.എസ്.സി ബാങ്ക് പ്രസിഡന്റ് സി.എസ്.സുരേഷ് ബാബു എന്നിവർ പ്രസംഗിച്ചു.