തൃശൂർ: ശാസ്ത്രസമേതം ജില്ലാതല ഉദ്ഘാടനം സെന്റ് തോമസ് കോളേജിൽ ഡെപ്യൂട്ടി മേയർ എം.എൽ. റോസി നിർവഹിച്ചു. ജില്ലാ പഞ്ചായത്ത് വിദ്യാഭ്യാസ പദ്ധതികളുടെ കോ- ഓർഡിനേറ്റർ ടി.വി. മദനമോഹനൻ അദ്ധ്യക്ഷനായി. ഉന്നത വിദ്യാഭ്യാസ രംഗവുമായി, പൊതുവിദ്യാഭ്യാസ മേഖലയെ ബന്ധിപ്പിക്കുന്ന പരിപാടിയാണ് ശാസ്ത്രസമേതം. കോളേജിലെ എല്ലാ ശാസ്ത്രലാബുകളും കുട്ടികളെ പരിചയപ്പെടുത്തി. വിദഗ്ദ്ധരായ അദ്ധ്യാപകരുടെ നേതൃത്വത്തിൽ ശാസ്ത്ര ക്ലാസുകളും സംഘടിപ്പിച്ചു. കോളേജ് പ്രിൻസിപ്പൽ ഡോ. കെ.എ. മാർട്ടിൻ, ഡോ. ടി.വി. വിമൽകുമാർ, വിജ്ഞാൻ സാഗർ സ്‌പെഷ്യൽ ഓഫീസർ സി.ടി. അജിത്കുമാർ, സമേതം അസി. കോ- ഓർഡിനേറ്റർ വി. മനോജ് തുടങ്ങിയവർ പ്രസംഗിച്ചു. സമാപനസമ്മേളനം ജില്ലാ പഞ്ചായത്ത് അംഗം വി.എൻ. സുർജിത് ഉദ്ഘാടനം ചെയ്തു.