പാവറട്ടി: എളവള്ളി പഞ്ചായത്ത് കുടുംബശ്രീ ജനകീയ ഹോട്ടൽ സ്വന്തം കെട്ടിടത്തിലേക്ക്. കെട്ടിടത്തിന് ശിലാസ്ഥാപനം നിർവഹിച്ചു. ആധുനിക സൗകര്യങ്ങളോടു കൂടിയ സ്റ്റോർ, സുതാര്യമായ അടുക്കള, 40 പേർക്ക് ഒരേസമയം ഭക്ഷണം കഴിക്കാനുള്ള സൗകര്യം, വാഷിംഗ് സൗകര്യം, മാലിന്യ നിർമ്മാർജന യൂണിറ്റും കെട്ടിടത്തിൽ സജ്ജമാക്കിയിട്ടുള്ളത്. ജനകീയസൂത്രണ പദ്ധതിയിൽ ഉൾപ്പെടുത്തി 25 ലക്ഷം രൂപ ചെലവിലാണ് കെട്ടിടം നിർമ്മിക്കുന്നത്. നിലവിലെ ജനകീയ ഹോട്ടലിൽ ദിനംപ്രതി 250 പേർ ഭക്ഷണം കഴിക്കുന്നത്. ജനകീയ ഹോട്ടലിന്റെ ശിലാസ്ഥാപന കർമ്മം മുല്ലശ്ശേരി ബ്ലോക്ക് പഞ്ചായത്ത് പ്രസിഡന്റ് ലതി വേണുഗോപാൽ നിർവഹിച്ചു. പഞ്ചായത്ത് പ്രസിഡന്റ് ജിയോ ഫോക്‌സ് അധ്യക്ഷനായി. ബിന്ദു പ്രദീപ്, ലീന ശ്രീകുമാർ, കെ.ഡി. വിഷ്ണു, ടി.സി. മോഹനൻ, പി.എം. അബു, സുരേഷ് കരുമത്തിൽ, എം.പി. ശരത് കുമാർ, ഷീല മുരളി, പി.വി. ചന്ദന എന്നിവർ പ്രസംഗിച്ചു.