പുതുക്കാട്: വെണ്ടോർ സെന്റ് മേരീസ് പള്ളിയുടെ ശതാബ്ദി ഉദ്ഘാടനം ഇന്ന്. വൈകിട്ട് 6.30ന് നടക്കുന്ന പൊതുസമ്മേളനവും ശതാബ്ദി ആഘോഷ പ്രഖ്യാപനവും അതിരൂപത സഹായമെത്രാൻ മാർ ടോണി നീലങ്കാവിൽ നിർവഹിക്കും. തുടർന്ന് നടക്കുന്ന ശതാബ്ദി ഉദ്ഘാടനം മാർ ടോണി നീലങ്കാവിലും, മന്ത്രി കെ.രാജനും ചേർന്ന് നിർവഹിക്കും. ടി.എൻ. പ്രതാപൻ എം.പി. അദ്ധ്യക്ഷത വഹിക്കും. കെ.കെ.രാമചന്ദ്രൻ എം.എൽ.എ. ലോഗോ പ്രകാശനം നിർവഹിക്കും.പുതുക്കാട് ഫൊറോന പള്ളി വികാരി ഫാ.പോൾ തേക്കാനത്ത് അനുഗ്രഹ പ്രഭാഷണം നടത്തും. ജില്ലാ പഞ്ചായത്ത് പ്രസിഡന്റ് വി.എസ്. പ്രിൻസ്, പഞ്ചായത്ത് പ്രസിഡന്റ് പ്രിൻസൺ തയ്യാലക്കൽ എന്നിവർ പങ്കെടുക്കും. വാർത്താസമ്മേളനത്തിൽ വികാരി ഫാ.ജോസ് പുന്നോലിപറമ്പിൽ, ജനറൽ കൺവീനർ നെപ്പോ ചിറമ്മേൽ, കൈക്കാരൻ ഗബ്രിയേൽ ഐനിക്കൽ, പ്രിൻസ് മഞ്ഞളി എന്നിവർ പങ്കെടുത്തു.