തിരുവനന്തപുരം: പ്രധാനമന്ത്രി ഇ -ബസ് സേവ പദ്ധതിയുടെ അടുത്ത ടെൻഡ‌ർ ഫെബ്രുവരിയിൽ. അതിനു മുമ്പ് നടപടിക്രമങ്ങൾ പാലിച്ച് കേന്ദ്ര സർക്കാരിനെ അറിയിച്ചാൽ കേരളത്തിന് ധാരണയായ 950 ഇ -ബസുകൾ നഷ്ടപ്പെടില്ല.

കൊച്ചി, കോഴിക്കോട് നഗരങ്ങൾക്ക് 150 വീതവും തിരുവനന്തപുരം, കൊല്ലം, തൃശ്ശൂർ, മലപ്പുറം, കണ്ണൂർ നഗരങ്ങൾക്ക് 100 വീതവും ചേർത്തല, കായംകുളം, കോട്ടയം നഗരങ്ങൾക്ക് 50 വീതവും ബസാണ് ലഭിക്കേണ്ടത്. ആദ്യ ടെൻ‌‌ഡറിൽ പങ്കെടുത്ത കർണ്ണാടകം ആവശ്യപ്പെട്ടത് 795 ബസുകളാണ്. 11 നഗരങ്ങളിൽ കേന്ദ്ര ഇ -ബസുകൾ ഓടിക്കും. മൈസൂരു, മംഗളൂരു, ദാവൻഗെരെ, ശിവമോഗ, തുംകുരു, ബെലഗാവി, ഹുബ്ബള്ളി, ധാർവാഡ്, കലബുറഗി, ബല്ലാരി, വിജയപുര എന്നിവയാണാ നഗരങ്ങൾ.

ബസിലും രാഷ്ട്രീയം

പദ്ധതി അംഗീകരിച്ച് ബസ് അനുവദിക്കുമ്പോഴേക്കും ഏപ്രിലാകും. പൊതു തിരിഞ്ഞെടുപ്പിൽ ബി.ജെ.പി ഇത് മുതലാക്കുമെന്ന് കണക്കുകൂട്ടിയാണ് കേരളം ബസിനോട് താത്പര്യം കാട്ടാത്തതെന്നാണ് വിവരം. തൃശൂരിന് 100 ബസ് അനുവദിച്ചത് ഉയർത്തിക്കാട്ടി സമൂഹമാദ്ധ്യമങ്ങളിലൂടെ ബി.ജെ.പി നേരത്തെ പ്രചാരണം ആരംഭിച്ചിരുന്നു. കോൺഗ്രസ് ഭരണത്തിലുള്ള കർണടകം രാഷ്ട്രീയം നോക്കാതെയാണ് ബസിനായി കേന്ദ്രത്തെ സമീപിച്ചത്.

കേന്ദ്രബസ് സ്വന്തമാക്കിയവർ

മഹാരാഷ്ട്ര- 1453

ഗുജറാത്ത് - 425

ബീഹാർ- 400

ഒഡിഷ- 350

പഞ്ചാബ്- 347

കർണ്ണാടക- 350

ജമ്മുകാശ്മീർ- 200

ഹരിയാന- 200

ചണ്ഡിഗർ- 100

പുതുച്ചേരി- 100

മേഘാലയ- 50

ഡി​സം​ബ​റി​ൽ​ 240.48​ ​കോ​ടി​ ​നേ​ടി​ ​കെ.​എ​സ്.​ആ​ർ.​ടി.​സി

തി​രു​വ​ന​ന്ത​പു​രം​:​ ​കെ.​എ​സ്.​ആ​ർ.​ടി.​സി​ക്ക് ​ഡി​സം​ബ​റി​ൽ​ ​മി​ക​ച്ച​ ​വ​രു​മാ​നം.​ 31​ ​ദി​വ​സ​ത്തെ​ ​വ​രു​മാ​ന​മാ​യി​ 240.48​ ​കോ​ടി​ ​രൂ​പ​ ​ല​ഭി​ച്ചു.​ ​ശ​ബ​രി​മ​ല​ ​ബ​സു​ക​ളി​ൽ​ ​നി​ന്നു​ള്ള​ ​വ​രു​മാ​ന​മാ​ണ് ​നേ​ട്ട​മാ​യ​ത്.​ 240​ ​കോ​ടി​ ​രൂ​പ​യാ​ണ് ​ഇ​ത്ത​വ​ണ​ ​ല​ക്ഷ്യ​മി​ട്ടി​രു​ന്ന​ത്.​ 48.97​ ​ല​ക്ഷം​ ​രൂ​പ​യാ​ണ് ​അ​ധി​കം​ ​ല​ഭി​ച്ച​ത്.
പ്ര​തി​ദി​ന​ ​ശ​രാ​ശ​രി​ ​വ​രു​മാ​നം​ 7.75​ ​കോ​ടി​ ​രൂ​പ​യാ​ണ്.​ ​എ​ട്ടു​കോ​ടി​ ​രൂ​പ​യാ​ണ് ​ല​ക്ഷ്യ​മി​ടു​ന്ന​ത്.​ ​ശ​രാ​ശ​രി​ ​പ്ര​തി​മാ​സ​ ​വ​രു​മാ​നം​ 220​ ​കോ​ടി​ ​രൂ​പ​യി​ൽ​ ​താ​ഴെ​യാ​ണ്.​ ​ഡി​സം​ബ​റി​ൽ​ ​ദ​ക്ഷി​ണ​മേ​ഖ​ല​യി​ൽ​ ​നി​ന്നും​ 107.07​ ​കോ​ടി​ ​രൂ​പ​യും,​ ​മ​ദ്ധ്യ​മേ​ഖ​ല​യി​ൽ​ ​നി​ന്നും​ 79.19​ ​കോ​ടി​ ​രൂ​പ​യും​ ​ഉ​ത്ത​ര​മേ​ഖ​ല​യി​ൽ​ ​നി​ന്നും​ 54.21​ ​കോ​ടി​ ​രൂ​പ​യും​ ​നേ​ടി.​ ​ഡി​സം​ബ​റി​ലെ​ ​ശ​മ്പ​ളം​ ​ജ​നു​വ​രി​ ​അ​ഞ്ചി​നു​ള്ളി​ൽ​ ​കൊ​ടു​ക്കേ​ണ്ട​തു​ണ്ട്.​ ​സാ​മ്പ​ത്തി​ക​ ​പ്ര​തി​സ​ന്ധി​യു​ണ്ടെ​ങ്കി​ലും​ ​ഡി​സം​ബ​റി​ൽ​ ​പൂ​ർ​ണ​ ​ശ​മ്പ​ളം​ ​കൊ​ടു​ക്കാ​റു​ണ്ട്.​ ​ശ​ബ​രി​മ​ല​ ​തീ​ർ​ത്ഥാ​ട​ക​രി​ൽ​ ​നി​ന്നു​ള്ള​ ​വ​രു​മാ​ന​മാ​ണ് ​ഇ​തി​ന് ​സ​ഹാ​യി​ക്കു​ന്ന​ത്.​ ​ഇ​ത്ത​വ​ണ​യും​ ​സാ​മ്പ​ത്തി​ക​ ​സ​ഹാ​യ​ത്തി​ന് ​സ​ർ​ക്കാ​രി​നെ​ ​സ​മീ​പി​ച്ചി​ട്ടു​ണ്ട്.​ ​ശ​മ്പ​ള​ ​വി​ത​ര​ണം​ ​എ​ന്നു​ണ്ടാ​കു​മെ​ന്ന​ ​കാ​ര്യം​ ​മാ​നേ​ജ്മെ​ന്റ് ​വ്യ​ക്ത​മാ​ക്കി​യി​ട്ടി​ല്ല.