തിരൂർ: റെയിൽവേ സ്റ്റേഷൻ പരിസരത്ത് എട്ടു കിലോ കഞ്ചാവ് ശേഖരം പിടികൂടി. തിരൂർ എക്സൈസ് സംഘവും ആർ.പി.എഫും ചേർന്ന് നടത്തിയ പരിശോധനയിലാണ് രണ്ടാം പ്ലാറ്റ് ഫോമിന് സമീപം ബാഗിൽ സൂക്ഷിച്ച നിലയിൽ കഞ്ചാവ് കണ്ടെത്തിയത്. ബാഗിന്റെ ഉടമയെ കണ്ടെത്താനായില്ല. അന്വേഷണം ഊർജ്ജിതമാക്കിയതായി ആർ.പി.എഫും എക്സൈസും അറിയിച്ചു.

ട്രെയിൻ മാർഗ്ഗം കഞ്ചാവ് എത്തിക്കുന്നുണ്ടന്ന വിവരത്തിന്റെ അടിസ്ഥാനത്തിലായിരുന്നു പരിശോധന. ഓരോ കിലോ തൂക്കമുള്ള എട്ട് പൊതികളിലാക്കിയാണ് സൂക്ഷിച്ചിരുന്നത്. എക്സൈസ് സർക്കിൾ ഇൻസ്പെക്ടർ കെ. അജയൻ,​ റെയിൽവേ സബ്ഇൻസ്പെക്ടർ കെ.എം. സുനിൽകുമാർ, എക്സൈസ് ഇൻസ്പെക്ടർ അജിരാജ്, ആർ. എഫ്. അസിസ്റ്റന്റ് ഇൻസ്പെക്ടർ കെ.വി. ഹരിഹരൻ , ബി.എസ്. പ്രമോദ് , അസി. എക്സൈസ്

ഇൻസ്പെക്ടർ കെ.എം. ബാബുരാജ് , ഡ്രൈവർ ചന്ദ്രമോഹൻ എന്നിവരാണ് പരിശോധനയ്ക്ക് നേതൃത്വം നൽകിയത്.