തിരുവനന്തപുരം: പ്രതിമാസം 15,000 ലിറ്ററിൽ താഴെ ഉപഭോഗമുള്ള ബി.പി.എൽ വിഭാഗത്തിൽപ്പെടുന്ന പുതിയ ഉപഭോക്താക്കൾക്ക് സൗജന്യ കുടിവെള്ളം ലഭിക്കാൻ 31 വരെ വാട്ടർ അതോറിട്ടി സെക്ഷൻ ഓഫിസുകളിലോ http://bplapp.kwa.kerala.gov.in എന്ന ഓൺലൈൻ ലിങ്ക് വഴിയോ അപേക്ഷ നൽകാം. നിലവിൽ ആനുകൂല്യം ലഭിക്കുന്നവർ വീണ്ടും അപേക്ഷിക്കേണ്ടതില്ല. പ്രവർത്തനരഹിതമായ വാട്ടർ മീറ്റർ, കുടിവെള്ള ചാർജ് കുടിശ്ശിക എന്നിവയുള്ള നിലവിൽ ആനുകൂല്യം ലഭിച്ചുകൊണ്ടിരിക്കുന്നവർ 31ന് മുമ്പ് മീറ്റർ മാറ്റിവയ്ക്കുകയും കുടിശ്ശിക അടയ്ക്കുകയും ചെയ്താൽ മാത്രമേ തുട‌ർന്ന് ആനുകൂല്യം അനുവദിക്കൂ.