മുടപുരം: ചിറയിൻകീഴ് ബ്ലോക്ക് പഞ്ചായത്തിന് കീഴിലുള്ള 6 ഗ്രാമപഞ്ചായത്തുകളിലെ അങ്കണവാടി കുട്ടികൾക്കായി സംഘടിപ്പിച്ച ബ്ലോക്ക് കലോത്സവം ' കുഞ്ഞാറ്റകിളികൾ ' വി.ശശി എം.എൽ.എ ഉദ്‌ഘാടനം ചെയ്തു.ബ്ളോക്ക് പഞ്ചായത്ത് പ്രസിഡന്റ് പി.സി.ജയശ്രി അദ്ധ്യക്ഷത വഹിച്ചു.ബ്ളോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ പി.മണികണ്ഠൻ സ്വാഗതം പറഞ്ഞു.ഗ്രാമ പഞ്ചായത്ത് പ്രസിഡന്റുമാരായ എ.ചന്ദ്രബാബു,വി.ലൈജു,ആർ.രജിത,ബ്ലോക്ക് പഞ്ചായത്ത് വൈസ് പ്രസിഡന്റ് എസ്.ഫിറോസ് ലാൽ,ബ്ളോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൻമാരായ കവിത സന്തോഷ്,ജോസഫിൻ മാർട്ടിൻ,ബ്ലോക്ക് പഞ്ചായത്ത് മെമ്പർമാരായ എ.എസ്.ശ്രീകണ്ഠൻ,കെ.മോഹനൻ,പി.കരുണാകരൻ നായർ,ജി.ശ്രീകല,രാധിക പ്രദീപ്,പി.അജിത,ആർ.പി.നന്ദുരാജ്,ബി.ഡി.ഒ സ്റ്റാർലി.ഒ.എസ് എന്നിവർ പങ്കെടുത്തു.സമാപന സമ്മേളനത്തിൽ ജില്ലാ പഞ്ചായത്ത് വൈസ് പ്രസിഡന്റ് അഡ്വ.ഷൈലജ ബീഗം സമ്മാനങ്ങൾ വിതരണം ചെയ്തു.ജില്ലാ പഞ്ചായത്ത് മെമ്പർ ആർ.സുഭാഷ് സംസാരിച്ചു.