വടകരയിൽ പുതിയ മൈജി ഡിജിറ്റൽ ബ്രാന്റ് ഷോറൂം ഉദ്ഘാടനത്തിന് എത്തിയപ്പോഴത്തെ ഹണി റോസിന്റെ ചിത്രങ്ങളും വീഡിയോകളും സമൂഹമാദ്ധ്യമങ്ങളിൽ വൈറലാവുന്നു. ഒാറഞ്ച് നിറം ഒൗട്ട് ഫിറ്റ് ധരിച്ചാണ് ഹണി റോസ് എത്തിയത്. മുടി കളർ ചെയ്തതിനാൽ ദൊറോത്തി മദാമ്മയെ പോലെയുണ്ടെന്ന് ആരാധക‌ർ.
അടുത്തിടെ ആട്ടം സിനിമയുടെ പ്രിവ്യൂ ലോഞ്ചിന് ഹണി റോസ് എത്തിയതും വേറിട്ട ലുക്കിലായിരുന്നു. ആ ലുക്കിനെയും പുതിയ ലുക്ക് തോല്പിച്ചു.
സിനിമയിൽ തന്റേതായ സ്ഥാനം നേടിയെടുത്ത താരമാണ് ഹണി റോസ്. ബോയ്ഫ്രണ്ട് സിനിമയിലൂടെ മലയാളികൾക്ക് മുൻപിൽ വിനയൻ അവതരിപ്പിച്ച താരം ജയസൂര്യ പ്രധാന വേഷത്തിൽ എത്തിയ ട്രിവാൻഡ്രം ലോഡ്ജ് എന്ന ചിത്രമാണ് കരിയറിൽ വഴിത്തിരിവാകുന്നത്.
മലയാളത്തിൽ മാത്രമല്ല തമിഴിലും തെലുങ്കിലും നിരവധി ചിത്രങ്ങളിൽ നായികയായി അഭിനയിച്ചു. മോഹൻലാലിന്റെ കനൽ, മോൺസ്റ്റർ എന്നീ ചിത്രങ്ങളിൽ ശക്തമായ സാന്നിധ്യം അറിയിക്കുകയും ചെയ്തു. തെലുങ്കിൽ ബാലകൃഷ്ണയുടെ നായികയായി അഭിനയിച്ചതോടെ അവിടെയും ഒരുപാട് ആരാധകരെ ലഭിച്ചു.