വിഴിഞ്ഞം: കേരള കാർഷിക സർവകലാശാലയ്‌ക്ക് കീഴിൽ വെള്ളായണി കാർഷിക കോളേജ് വിദ്യാർത്ഥികളുടെയും കോർട്ടേവ അഗ്രിസയൻസിന്റെയും ആഭിമുഖ്യത്തിൽ 18,19 തീയതികളിൽ അന്താരാഷ്ട്ര സസ്യശാസ്ത്ര സിമ്പോസിയം നടത്തുന്നു.

2023ലെ നോർമൻ ഇ.ബോർലോഗ് ഫീൽഡ് സയന്റിസ്റ്റ് അവാർഡ് ജേതാവ് ഡോ.സ്വാതി നായിക് മുഖ്യാതിഥിയാകും. ജർമ്മനിയിലെ ഹോഹെൻഹൈം യൂണിവേഴ്സിറ്റിയിലെ പോസ്റ്റ്ഡോക്ടറൽ ഗവേഷക ആൻ എലീസ് സ്ട്രാട്ടനും അതിഥിയായി പങ്കെടുക്കും. കേരള ഡിജിറ്റൽ യൂണിവേഴ്സിറ്റി വൈസ് ചാൻസലർ ഡോ.സജി ഗോപിനാഥ്, കേരള സ്റ്റേറ്റ് പ്ലാനിംഗ് ബോർഡ് അംഗം ഡോ.ജിജു പി.അലക്‌സ്, ഐ.സി.എ.ആർ -എൻ.ഐ.പി.ബി പ്രിൻസിപ്പൽ സയന്റിസ്റ്റ് ഡോ.പ്രണബ് കുമാർ മണ്ഡൽ,കോർട്ടേവ അഗ്രിസയൻസ് ഡയറക്ടർ ഡോ.രാമൻ ബാബു തുടങ്ങിയവർ സിമ്പോസിയത്തിൽ പങ്കെടുക്കും. വിദ്യാർത്ഥികൾക്കായി വിവിധ മത്സരയിനങ്ങൾ, കർഷകർക്കും വിദ്യാർത്ഥികൾക്കുമായി എക്സിബിഷൻ എന്നിവ നടക്കും. കൂടുതൽ വിവരങ്ങൾക്ക്. https://aicsa2024.com/.