വെള്ളനാട്:സംസ്ഥാന സ്കൂൾ കലോത്സവത്തിൽ അഭിമാന നേട്ടവുമായി വെള്ളനാട് ജി.കാർത്തികേയൻ സ്മാരക ഗവ.വി&എച്ച്.എസ്.എസ് ജില്ലയെ പ്രതിനിധീകരിച്ച് വെള്ളനാട് സ്കൂളിൽ നിന്ന് പങ്കെടുത്ത ആറ് വിദ്യാർത്ഥികൾക്കും മത്സരങ്ങളിൽ എ ഗ്രേഡ് ലഭിച്ചു.പി.പ്രവീണ (സംസ്കൃതം പ്രഭാഷണം–ഹൈസ്കൂൾ വിഭാഗം),സി.എൻ.മൈഥിലി(സംസ്കൃതം അഷ്ടപദി –ഹൈസ്കൂൾ),എച്ച്.ആർ.ആർച്ച (കേരളനടനം–എച്ച്.എസ്.എസ്),എസ്.ദേവിക(കുച്ചുപ്പുടി–എച്ച്.എസ്),പി.എസ്.അക്ഷര നാരായണൻ(സംസ്കൃതം ഉപന്യാസം–എച്ച്.എസ്.എസ്),അസ്ന.എ.ജസ്റ്റിൻ (തമിഴ് കവിതാ രചന–എച്ച്.എസ്) എന്നിവരാണ് സ്കൂളിന്റെ അഭിമാന താരങ്ങളായത്.ഈ പ്രതിഭകൾക്കായി സ്കൂൾ പി.ടി.എ അനുമോദന ചടങ്ങ് സംഘടിപ്പിക്കുമെന്ന് പി.ടി.എ പ്രസിഡന്റ് വി.ചന്ദ്രശേഖരൻ,പ്രിൻസിപ്പൽ കെ.എസ്.രാജശ്രീ,ഹെഡ്‌മാസ്റ്റർ പ്രേം ദേവാസ് എന്നിവർ അറിയിച്ചു.