ആറ്റിങ്ങൽ: ഗർഭിണികൾക്കും കുട്ടികൾക്കുമുള്ള പ്രസവാനന്തര ചികിത്സകൾ കൂടുതൽ മെച്ചപ്പെടുത്തുന്നതിന്റെ ഭാഗമായി വലിയകുന്ന് താലൂക്കാശുപത്രിയിൽ പുതുതായി നിർമ്മിക്കുന്ന മെറ്റേണിറ്റി ബ്ലോക്ക് ബഹുനില മന്ദിരത്തിന്റെ നിർമ്മാണോദ്ഘാടനം ഒ.എസ്.അംബിക എം.എൽ.എ നിർവഹിച്ചു. 6348 ചതുരശ്ര അടിയിൽ നിർമ്മിക്കുന്ന മൂന്നുനില കെട്ടിടത്തിന്റെ ഒന്നാംഘട്ട നിർമ്മാണപ്രവർത്തനങ്ങൾക്കായി മൂന്നരക്കോടിയാണ് അനുവദിച്ചിരിക്കുന്നത്. ആശുപത്രിയങ്കണത്തിൽ നടന്ന ചടങ്ങിൽ ചെയർപേഴ്സൺ അഡ്വ.എസ്.കുമാരി,വൈസ് ചെയർമാൻ ജി.തുളസീധരൻ പിള്ള,സ്റ്റാൻഡിംഗ് കമ്മിറ്റി അദ്ധ്യക്ഷൻമാരായ എ.നജാം,അവനവഞ്ചേരി രാജു,മുനിസിപ്പൽ കൗൺസിലർ ആർ.രാജു,പൊതുമരാമത്ത് വകുപ്പ് കെട്ടിട വിഭാഗം അസി.എൻജിനിയർ ആർഷ,ആശുപത്രി സൂപ്രണ്ട് ഡോ.പ്രീതാ സോമൻ,വാർഡ് കൗൺസിലർ എം.താഹിർ തുടങ്ങിയവർ പങ്കെടുത്തു.