പീരുമേട്: വണ്ടിപ്പെരിയാർ അയ്യപ്പൻകോവിലിൽ വീട്ടമ്മയുടെ ആത്മഹത്യയുമായി ബന്ധപ്പെട്ട് പ്രേരണക്കുറ്റം ചുമത്തി യുവാവിനെ പൊലീസ് അറസ്റ്റ് ചെയ്തു. അയ്യപ്പൻകോവിൽ മനില പുതുപ്പറമ്പിൽ പ്രമോദ് വർഗീസിനെ(48)യാണ് വണ്ടിപ്പെരിയാർ പൊലീസ് അറസ്റ്റ് ചെയ്തത്.
സംഭവത്തെക്കുറിച്ച് പൊലീസ് പറയുന്നത് ഇങ്ങനെ: 2023 ജൂലൈ ഒന്നിന് വണ്ടി പെരിയാർ അയ്യപ്പൻകോവിൽ തെക്കേ പ്ലാപ്പള്ളിയിൽ വീട്ടിൽ ശ്രീദേവി ആത്മഹത്യ ചെയ്യുന്നത്. തുടർന്ന്
അസ്വഭാവിക മരണത്തിന് വണ്ടിപ്പെരിയാർ പൊലീസ്‌കേസ് രജിസ്റ്റർ ചെയ്യതു. ആത്മഹത്യ ചെയ്യാനുണ്ടായ കാരണത്തെ കുറിച്ച് പൊലീസ് അന്വേഷണം നടത്തിവരികയുമായിരുന്നു. അന്വേഷണത്തിൽ മരണപ്പെട്ട ശ്രീദേവിയുടെ ആത്മഹത്യ കുറുപ്പിൽ അയ്യപ്പൻകോവിൽ സ്വദേശികളായ പ്രമോദ് ഇയാളുടെ ഭാര്യ സ്മിത എന്നിവരുടെ മാനസിക പീഡനത്താലാണ് താൻ ആത്മഹത്യ ചെയ്യുന്നതെന്ന് ശ്രീദേവി കുറിപ്പ് എഴുതി വച്ചിരുന്നു. ഇതേ തുടർന്ന് നടത്തിയ അന്വേഷണത്തിലാണ് ആത്മഹത്യാ പ്രേരണ കുറ്റം ചുമത്തി ഒന്നാം പ്രതിയായ പ്രമോദ് വർഗീസിനെ ഇന്നലെ വണ്ടിപ്പെരിയാർ പൊലീസ് അറസ്റ്റ് ചെയ്തത്. പ്രതിയെ പീരുമേട്‌കോടതിയിൽ ഹാജരാക്കി. റിമാന്റ് ചെയ്തു
ഇയാളുടെ ഭാര്യ സ്മിത വിദേശത്തായതിനാൽ നടപടിക്രമങ്ങൾ പൂർത്തീകരിക്കുന്ന മുറയ്ക്ക് അറസ്റ്റ് ചെയ്യുമെന്ന്
പൊലീസ് അറിയിച്ചു.