വെഞ്ഞാറമൂട് : നാഷണൽ അക്രഡിറ്റേഷൻ ഫോർ ഹോസ്പിറ്റൽ ആൻഡ് ഹെൽത്ത് കെയർ എൻടി ലെവൽ അംഗികാരം നേടി പുല്ലമ്പാറ ആയുർവേദ ആശുപത്രി.അടിസ്ഥാന സൗകര്യങ്ങൾ,രോഗികൾക്ക് നൽകുന്ന സേവനം,രോഗപ്രതിരോധ പ്രവർത്തനങ്ങൾ,ശുചിത്വം,ഭിന്നശേഷി സൗഹൃദം,മരുന്നുകളുടെ ഗുണമേന്മയും സംഭരണവും വിതരണവും എന്നിവയെ അടിസ്ഥാനമാക്കിയാണ് വെള്ളുമണ്ണടിയിൽ പ്രവർത്തിക്കുന്ന ഡിസ്പെൻസറിക്ക് ദേശീയ അംഗികാരം ലഭിച്ചത്.പുല്ലമ്പാറ പഞ്ചായത്ത് പ്രസിഡന്റ് പി.വി രാജേഷിന്റെ നേതൃത്വത്തിലുള്ള ഭരണസമിതിയുടെ ഇടപെടലിലൂടെ 2021ൽ ഡിസ്പെൻസറിയെ ആയുഷ് ഹെൽത്ത് ആൻഡ് വെൽനസ് സെന്ററായി ഉയർത്തി. ജീവിതശൈലി രോഗ ക്ലിനിക്ക്,വയോജന രോഗ പ്രതിരോധ ക്ലിനിക്ക് എന്നിവ ഡിസ്പെൻസറിയിലൂടെ ലഭ്യമാണ്.നാഷണൽ ആയുഷ് മിഷന്റെ സഹായത്തോടെ യോഗ പരിശീലനവും നടത്തിവരുന്നു. ഡോക്ടർ സൗമ്യ ശശിധരന്റെ നേതൃത്വത്തിൽ ഡിസ്പെൻസറിയിൽ മാനസികാരോഗ്യ സംരക്ഷണ പ്രവർത്തനങ്ങൾ,പ്രസവ ശുശ്രൂഷ എന്നിവ ആരംഭിക്കുന്നതിനുള്ള നടപടികൾക്കും തുടക്കമിട്ടു.