തിരുവനന്തപുരം : ഗാന്ധിയൻ ചിന്തകൾ പുതിയ തലമുറയിൽ അടിയുറയ്ക്കേണ്ടത് കാലഘട്ടത്തിന്റെ ആവശ്യമാണെന്ന് കെ.പി.സി.സി മുൻ പ്രസിഡന്റ് തെന്നല ബാലകൃഷ്ണപിള്ള. കെ.പി.സി.സി ഗാന്ധിദർശൻ സമിതി ജില്ലാ കമ്മിറ്റിയുടെ ആഭിമുഖ്യത്തിൽ, മഹാത്മജി കോൺഗ്രസ് പ്രസിഡന്റായതിന്റെ ശതാബ്ദിയാഘോഷങ്ങളുടെ ഉദ്‌ഘാടനം നിർവഹിക്കുകയായിരുന്നു അദ്ദേഹം.
ജില്ലാ പ്രസിഡന്റ് വഞ്ചിയൂർ രാധാകൃഷ്ണൻ അദ്ധ്യക്ഷത വഹിച്ചു. ഡി.സി.സി പ്രസിഡന്റ് പാലോട് രവി മുഖ്യ പ്രഭാഷണം നടത്തി. ചിത്രരചനാ മത്സരത്തിൽ വിജയികളായ കുട്ടികൾക്കും, ജനറൽ ആശുപത്രിയിലെ ഒമ്പതാം വാർഡിൽ ആരോരുമില്ലാത്തവരെ ശുശ്രൂഷിക്കുന്ന ഗാന്ധിദർശൻ സമിതി പ്രവർത്തക കൂടിയായ സുമാ സുരേന്ദ്രനും ഉപഹാരം ടി. ശരത്ചന്ദ്ര പ്രസാദ് നൽകി. കമ്പറ നാരായണൻ, പരശുവയ്ക്കൽ രാധാകൃഷ്ണൻ,നദീറ സുരേഷ്,കോട്ടമുകൾ ബി.സുഭാഷ്,കടകംപള്ളി ഹരിദാസ് തുടങ്ങിയവർ സംസാരിച്ചു.