വേങ്ങര :കാപ്പ നിയമപ്രകാരം ജില്ലയിൽ പ്രവേശനവിലക്കുണ്ടായിരുന്ന പ്രതി വിലക്ക് ലംഘിച്ച് ജില്ലയിൽ പ്രവേശിച്ചതിന് അറസ്റ്റിലായി. ഇയാളിൽ നിന്നും വിൽപ്പനയ്ക്കായി സൂക്ഷിച്ച കഞ്ചാവും തൂക്കാൻ ഉപയോഗിക്കുന്ന മെഷീനും പൊലീസ് കണ്ടെടുത്തു. വിവിധ കേസുകളിൽ പ്രതിയായ വേങ്ങര കണ്ണാട്ടിപ്പടി മണ്ണിൽ വീട്ടിൽ അനിൽ എന്ന മണിയാണ്(41) അറസ്റ്റിലായത്. കഞ്ചാവ്, അടിപിടി, മോഷണം, തുടങ്ങി നിരവധി കേസുകളിലെ പ്രതിയാണ്. .

മണി ജില്ലയിൽ പ്രവേശിച്ചിട്ടുണ്ടെന്ന രഹസ്യ വിവരത്തിന്റെ അടിസ്ഥാനത്തിൽ വേങ്ങര പൊലീസ് ഇൻസ്‌പെക്ടർ മുഹമ്മദ് ഹനീഫ,​ എസ്.ഐ ടി.ഡി. ബിജു,​ പോലീസ് ഉദ്യോഗസ്ഥരായ ഫൈസൽ,​ ആർ. ഷഹേഷ്,​ കെ.കെ. മുഹമ്മദ് സലിം എന്നിവരടങ്ങിയ സംഘമാണ് പ്രതിയെ പിടികൂടിയത്. കഞ്ചാവ് വിൽപ്പനക്കുപയോഗിക്കുന്ന കാറും കഞ്ചാവ് വിറ്റുകിട്ടിയ 17000 ത്തോളം രൂപയും മൂന്നു മൊബൈൽ ഫോണുകളും പൊലീസ് കണ്ടെടുത്തു.